فوٹو: انٹرنیٹ
اوسلو(ویب ڈیسک)ناروے میں ایک بار پھر اسلام مخالف ایونٹ رونما ہوا اور اسلام مخالف ریلی میں ایک ملعون کو قرآن کریم کی توہین سے روکنے والا مسلم نوجوان الیاس ہیرو قرار بن گیا، ترجما ن پاک فوج نے بھی اپنے نجی ٹوئٹر پر اس کی جرت کو سلام پیش کیا۔
میجر جنرل آصف غفور نے بہادر نوجوان کی جرت کو سلام پیش کرتے ہوئے کہا ہے کہ اسلامو فوبیاکی وجہ سے یہ افسوسناک واقعہ پیش آیاہے انھوں نے کہا کہ اس سے نفرت اور انتہا پسندی کو تقویت ملتی ہے۔
Salute to brave #Ilyas for displaying courage to stop an absolutely deplorable action. Such Islamophobia based provocations only promote hatred & extremism. All religions are and must stay respectable. Islamophbia is threat to global peace and harmony.#TheGloriousQuran#Norway pic.twitter.com/CRahq5mazf
— Asif Ghafoor (@peaceforchange) November 22, 2019
ناروے میں اسلام مخالف ریلی نکالی گئی ریاستی پولیس کی موجودگی میں ایک ملعون کی جانب سے قرآن کریم کی بے حرمتی سے روکنے والے مسلم نوجوان کو گرفتار کرلیا گیا، سوشل میڈیا پر الیاس کی رہائی کے لیے مہم زور پکڑ گئی۔
الیاس نے اسلام مخالف مجمع میں ریلی کے مظاہرین کو للکارا اور قرآن پاک کی بے حرمتی کرنے والے ملعون کو لاتیں مار کر گرایا تب پولیس آگے بڑھی اور الیاس کو حراست میں لے لیا، تاہم پوری دنیا سے الیاس کو اس جرت پر پذیرائی ملی۔
سوشل میڈیا پر نوجوان ڈیفنڈر آف اسلام کے نام سے ٹرینڈ بن گیا اور صارفین کی جانب سے نوجوان کے اقدام کو خوب سراہا جارہا ہے۔
ویڈیو میں دیکھا جاسکتا ہے کہ اسلام مخالف ریلی کے دوران ایک شخص قرآن پاک کی بے حرمتی کررہا ہے جبکہ مسلم نوجوان اسے روکنے کی کوشش کرتا ہے تو پولیس کی جانب سے اسے گرفتار کرلیا جاتا ہے۔
ترکی نے بھی ملعون لارس تھورسن کو سخت سزا دینے کا مطالبہ کیا ہے، اداکارہ وینا ملک نے حکومت سے ناروے اور ڈنمارک کے ساتھ سفارتی تعلقات ختم کرنے کا مطالبہ کیاہے۔
وینا ملک نے دونوں ممالک کی اشیا کا بائیکاٹ کرکے کمپنیوں کو پاکستان سے نکالنے کا بھی مطالبہ کیا ہے انھوں نے کہا نبی کریم پر میری جان مال اولاد سب قربان ہے۔
یاد رہے وزیراعظم عمران خان نے بھی اقوام متحدہ کے جنرل اسمبلی میں خطاب کے دوران اسلاموفوبیا کے حوالے سے حقائق بیان کیے تھے اسی انتہاپسندی کا ذکر کیا تھا جو اسلام مخالف نفرت پھیلا رہی ہے۔
Comments are closed.