بھارتی ویمنز نے ورلڈ کپ جیت لیا، فائنل میں جنوبی افریقہ کو 52 رنز سے شکست

فوٹو : سوشل میڈیا

ممبئی : بھارتی ویمنز نے ورلڈ کپ جیت لیا، فائنل میں جنوبی افریقہ کو 52 رنز سے شکست کا سامنا کرنا پڑا اور یوں انڈیا پہلی بار فاتح بن گیا ہے، فائنل میں سنسی خیز رہا تاہم افریقہ کی کپتان سمیت دیگر بیٹرز لمبی شراکت نہیں بنا پائیں.

ممبئی کےڈی وائے پٹیل اسٹیڈیم میں کھیلے گئے ہائی وولٹیج مقابلے میں بھارت نے تاریخ رقم کی اور ٹائٹل اپنے نام کیا، بھارت کی جانب سے 299 رنز کے ہدف کے تعاقب میں
پروٹیز ٹیم 246 رنز بنا کر ہمت ہار گئی۔

جنوبی افریقہ کی کپتان لورا وولورڈاٹ نے شاندار 101 رنز بنا کر بھرپور مزاحمت کی تاہم ان کی دلکش اننگز بھی جنوبی افریقی ٹیم کو ٹرافی جتوانے میں ناکام رہی۔

دیگر بیٹرز میں اینری ڈرکسن 35 اور سن لوئس 25 رنز بنا کر نمایاں رہیں، بھارت کی جانب سے دپیتی شرما نے صرف 39 رنز دے کر 5 کھلاڑیوں کو آؤٹ کیا،87 رنز بنانے والی شفالی ورما نے 2 بھی حاصل کیں۔

اس سے قبل بھارت نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 298 رنز بنائے، شفالی ورما 78 گیندوں پر 87 رنز بنا کر سرفہرست رہیں، دپیتی شرما 58 اور سمرتی مندھانا 45 رنز بنا کر نمایاں رہیں۔

جنوبی افریقہ کی جانب سے آیا بونگا خاکا نے 58 رنز دے کر 3 کھلاڑیوں کو آؤٹ کیا، دیگر 3 باؤلرز کے حصے میں ایک، ایک وکٹ آئی.