جی میل میں نیا ڈیزائن اور "مارک ایز ریڈ” فیچر متعارف

فوٹو: فائل

اسلام آباد: گوگل نے اپنی ای میل سروس جی میل میں میٹریل 3 ایکسپریسیو ڈیزائن کو مزید بہتر بناتے ہوئے نیا فیچر شامل کر دیا ہے۔

9 ٹو 5 گوگل کی رپورٹ کے مطابق میٹریل 3 ڈیزائن جون میں متعارف کرایا گیا تھا اور اب اسے جی میل کے سرچ بار کا حصہ بنا دیا گیا ہے۔

اس اپ ڈیٹ کے تحت ہیمبرگر بٹن اور پروفائل سوئچر کو براؤزر سے ہٹا کر سرچ ویو کو مزید بہتر بنایا گیا ہے تاکہ صارفین کو زیادہ سہولت میسر ہو۔ تاہم یہ نیا ڈیزائن فی الحال تمام صارفین کے لیے دستیاب نہیں ہے۔

اس کے علاوہ جی میل کی اینڈرائیڈ ایپ میں نیا فیچر "مارک ایز ریڈ” شامل کر دیا گیا ہے۔

اس فیچر کی آزمائش جون سے جاری تھی اور اب اسے تمام صارفین کے لیے رول آؤٹ کیا جا رہا ہے۔

اس کے تحت ڈیلیٹ اور ریپلائی کے درمیان ایک نیا بٹن شامل کیا گیا ہے جس کی مدد سے صارفین ای میلز کو منتخب کرکے انہیں پڑھا ہوا ظاہر کر سکتے ہیں۔

رپورٹ کے مطابق یہ فیچر ان صارفین کے لیے متعارف کرایا گیا ہے جو ای میلز کو نہ پڑھنا چاہتے ہیں اور نہ ہی ڈیلیٹ کرنا چاہتے ہیں، تاکہ انہیں آسانی کے ساتھ "ریڈ” کے طور پر نشان زد کیا جا سکے۔

جی میل میں نیا ڈیزائن اور "مارک ایز ریڈ” فیچر متعارف