شہباز شریف کاشمالی وزیرستان کا دورہ ، حکام کی بریفنگ، عمائدین سے ملاقات

فوٹو:اسکرین گریب

راولپنڈی( زمینی حقائق ڈاٹ کام)وزیراعظم شہباز شریف کاشمالی وزیرستان کا دورہ ، حکام کی بریفنگ، عمائدین سے ملاقات بھی کی،وزیراعظم نے شمالی وزیرستان میں یونیورسٹی بنانے کا بھی اعلان کیا۔

وزیر اعظم شہباز شریف نے شمالی وزیرستان میں جرگے سے خطاب کرتے ہوئے کہا مشران کو اسلام آباد بلا کر مسائل کا حل نکالیں گے، وزیرستان کے بچوں کیلئے دانش اسکولز سسٹم بھی بنائیں گے۔

http://

وزیراعظم شہباز شریف نے آج شمالی وزیرستان کا دورہ کیا
وزیراعظم نے قبائلی عمائدین کے ساتھ ملاقات کی اور ان کے ساتھ وقت گزارا
قبائلی عمائدین نے وزیراعظم کا خیرمقدم کیا اور علاقے کے پہلے دورہ پر شکریہ ادا کیا جس سے قبائلی اضلاع کے لئے وزیراعظم کی توجہ اور فکر کا اظہار ہوتا ہے۔ pic.twitter.com/I5OioV2pDz

— PML(N) (@pmln_org) April 21, 2022

جرگہ کے دوران قبائلی عمائدین نے وزیراعظم سے وزیرستان کو ٹیکس فری زون قرار دینے کا مطالبہ کیا، مشران نے یہ بھی کہا کہ غلام خان بارڈر پر کاروبار کو وسعت دینے کیلئے وہاں سے کسٹمز ختم کیا جائے ہمیں مشکلات کا سامنا کرنا پڑ رہاہے۔

دریں اثناء آئی ایس پی آر سے جاری اعلامیہ کے مطابق زیراعظم شہباز شریف کی میران شاہ آمد پر آرمی چیف جنرل قمر جاوید باجوہ نے انہیں خوش آمدید کہا، وزیراعظم نے شہداء کی یادگار پر پھول چڑھائے اور فاتحہ خوانی کی۔

اعلامیہ کے مطابق وزیراعظم شہبازشریف کو علاقے کی سکیورٹی صورت حال پر تفصیلی بریفنگ دی گئی اور سرحد پار سے ہونے والی دہشت گردی کی کارروائیوں سے آگاہ کیا گیا، وزیراعظم نے دہشت گردی کی کمر توڑنے پر پاک فوج کے افسران اور جوانوں کو خراج تحسین پیش کیا۔

http://

Prime Minister of Pakistan Mian Muhammad Shehbaz Sharif visited North Waziristan today. On arrival at Miranshah, PM was received by Chief of Army Staff (COAS) General Qamar Javed Bajwa. pic.twitter.com/OngqUoiAs7

— PML(N) (@pmln_org) April 21, 2022

شہباز شریف کا کہنا تھاکہ زیادہ وقت نہیں گزرا کہ دہشت گرد مردوں، عورتوں، بچوں، تعلیمی اداروں اور سرکاری اداروں کو ملک بھر میں بلاامتیاز نشانہ بنا رہے تھے۔ مسلح افواج کی دلیرانہ کوششوں سے ہم ہر قسم کی دہشت گردانہ تنظیموں کو شکست دینے میں کامیاب رہے۔