اسلام آباد( ویب ڈیسک)ڈاکٹر نعمان نیاز نے شعیب اختر سے باضابطہ معافی مانگ لی ، ویڈیو وائرل ہو گئی ہے اس سے قبل سپورٹس اینکر ڈاکٹر نعمان نیاز ایک انٹرویو کے دوران معافی مانگی تھی۔
یہ صلح وزیراطلاعات فوادچوہدری کے گھر پر ہوئی ہے اس موقع پر ٹی وی پر حکومت کی بھر پور مخالفت کرنے والے صحافی سلیم صافی بھی وزیر اطلاعات کے گھر موجود تھے جہاں دونوں ناراضگی وزیر اطلاعات نے ختم کرائی اور گلے وہ گلے بھی ملے۔
Shoaib Akhtar i am really sorry for whatever happened on the screen – Dr Nauman Niaz
VC: Afzal Abbasi#Cricket | #Pakistan | #ShoaibAkhtar | #Islamabad pic.twitter.com/he5K1cAPaZ
— Khel Shel (@khelshel) November 13, 2021
اس موقع پر ڈاکٹر نعمان نیاز نے ایک بار پھر معافی مانگتے ہوئے کہا کہ شعیب اختر مجھے بہت افسوس ہے جو اسکرین پر ہوا وہ نہیں ہونا چائیے تھا، ہماری 30 سال کی دوستی ہے، جو ختم نہیں ہونی چائیے۔
شعیب اختر نے کہا کہ میں نے تو نعمان نیاز کو واقعے کی رات کو ہی معاف کردیا تھا مگر بات طویل ہوئی،شعیب اختر نے بتایا کہ فواد چوہدری نے کہا ہے کہ وہ ایم ڈی پی ٹی وی سے بات کرکے میرے خلاف ہرجانے کا نوٹس واپس کروادیں گے۔
شعیب اختر نے کہا کہ میں اس واقع کے بعد عوامی ردعمل اور پیار کا بہت شکریہ ادا کرتا ہوں، انہوں نے میرا بہت ساتھ دیا،اس کے بعد ڈاکٹر نعمان نے شعیب اختر کو پکڑ کر کہا ہماری دوستی بہت پرانی ہے۔
دوست دو چار نکلتے ہیں کہیں لاکھوں میں
جتنے ہوتے ہیں سوا اتنے ہی کم ہوتے ہیں۔۔۔۔۔۔۔۔ بات اتنی نہیں تھی کہ اس پر اتنی گفتگو ہوتی لیکن کیا ہے کہ سوشل میڈیا اب اتنا بڑا ہے کہ چھوٹی باتیں بھی بڑی ہو جاتی ہیں، بہرحال All is well that ends well #GameOnHai #PTV pic.twitter.com/TLsGjfUw13
— Ch Fawad Hussain (@fawadchaudhry) November 13, 2021
واضح رہے کہ پی ٹی وی سپورٹس پر ورلڈ کپ کے شو میں پاکستان اور نیوزی لینڈ کے مابین میچ پر گفتگو کے دوران ڈاکٹر نعمان نیاز نے شعیب اختر کو اٹھ کر جانے کا کہہ دیاتھا، پینل میں ویسٹ انڈین لیجنڈ ویو رچرڈز، ڈیوڈ گاور بھی موجود تھے۔
شعیب اختر اس دوران میچ میں شاندار کارکردگی دکھانے والے حارث روف کا ذکر کرتے ہوئے لاہور قلندرز کی تعریف کی اور کہا کہ یہ نوجوان بولر قلندرز کے پلیئر ڈویلپمنٹ پروگرام کی پیداوار ہے۔
Comments are closed.