شہرقائد میں راہ چلتی خواتین کوہراساں کرنے کاایک واقعہ سامنے آگیا

فائل:فوٹو

کراچی: شہرقائد میں راہ چلتی خواتین کوہراساں کرنے کے واقعات نہ تھم سکے، طالبہ نے موٹرسائیکل سوار اوباش نوجوان کی بنائی گئی ویڈیو سوشل میڈیا پر وائرل کردی۔

ویڈیو میں موٹرسائیکل سوار شخص کو طالبات کے سامنے نازیبا حرکات کرتے دیکھا جاسکتا ہے، اوباش شخص یونیورسٹی سے گھر جانے والی طالبات کی وین کا تعاقب کرتے ہوئے نازیبا حرکتیں کرتا رہا۔

Harrasment Incident: Motorcycle rider ma**urb**ing and chasing a van of female university students at Rashid Minhas Road. One of the girl sat in van made this video. #Karachi pic.twitter.com/cRdS15Te79

— waheed Falak sher (@HamdanWahe57839) October 1, 2023

واقعے کی ویڈیو وائرل ہونے کے بعد ایڈیشنل آئی جی کراچی خادم رندھ نے نوٹس لیتے ہوئے متعلقہ افسران سے رپورٹ طلب کرلی۔ علاوہ ازیں رابطہ کرنے پر ایس ایس پی سینٹرل فیصل عبداللہ چاچڑ نے بتایا کہ طالبات کوہراساں کرنے کا واقعہ راشد منہاس روڈ پر واقع معروف شاپنگ سینٹر اور اسپورٹس کمپلیکس سے قبل پیش آیا ہے۔

انہوں نے بتایا کہ ابتدائی معلومات کے مطابق ویڈیو چند روزپرانی ہے اس سے متعلق مزید تحقیقات کی جارہی ہے جبکہ متاثرہ طالبہ سے رابطہ کرنے کی کوشش کی جا رہی ہے۔

انہوں نے بتایا کہ اگرمتاثرہ طالبہ پولیس سے رابطہ نہیں کرتی توسرکارکی مدعیت میں واقعے کا مقدمہ درج کیا جائے گا اورملزم کا سراغ لگا کر اسے جلد گرفتار کیا جائے گا۔

خیال رہے کہ اس قبل نارتھ کراچی سیکٹر11 بی، فیڈرل بی ایریا بلاک 17 ،گلستان جوہرمیں خواتین کوہراساں کرنے کے واقعات رپورٹ ہو چکے ہیں لیکن ان واقعات میں ملزمان کے چہرے واضح ہونے کے باوجود پولیس ملزمان کوگرفتار کرنے میں ناکام رہی ہے۔