پاکستان کا سری لنکا کے خلاف ٹی ٹوئنٹی سیریز میں کلین سوئپ مکمل

فوٹو : پی سی بی

کراچی(زمینی حقائق ڈاٹ کام) پاکستان کا سری لنکا کے خلاف ٹی ٹوئنٹی سیریز میں کلین سوئپ مکمل، پاکستانی ویمن ٹیم نے آخری ٹی ٹوئنٹی میچ بھی 6 وکٹوں کے واضح فرق سے جیت کر سیریز تین صفر سے اپنے نام کرلی

کراچی کے ساؤتھ اینڈ کلب میں کھیلے گئے آخری ٹی ٹوئنٹی میح میںمہمان ٹیم نے پہلے بیٹنگ کرتے ہوئے 20 اوورز میں 8 وکٹوں کے نقصان پر107رنزبنائے.

کپتان چماری اتاپتو 37 اور ہسینی پریرا 24 رنز بناکر نمایاں رہیں، پاکستان کی طرف سے ندا ڈار، کائنات امتیاز اور طوبیٰ حسن نے ، ایک ایک وکٹ حاصل کی، پاکستان ویمنز ٹیم نے ہدف آخری گیند پر چھ وکٹ پر حاصل کرلیا.

منیبہ علی 25 رنز بناکر نمایاں رہیں، عالیہ ریاض نے 17 رنز بنائے، بسمہ معروف نے15 رنز بنا کر ناٹ آؤٹ رہیں،سری لنکا ویمنز کی جانب سے اوشاڈا راناسنگھے نے 3 اور کویشا دلہاری نے 2 وکٹیں حاصل کیں۔

کپتان بسمہ معروف کو پلیئر آف دی میچ اور طوبیٰ حسن کو سیریز کی بہترین کھلاڑی قرار دیا گیا، پہلے 2 ٹی ٹوئنٹی میچز بھی پاکستان نے جیت لئے تھے.

0Shares

Comments are closed.