آزادکشمیر کے نو منتخب وزیراعظم عبدالقیوم نیازی نے حلف اٹھا لیا

مظفر آباد(شہزاد شفیع) پاکستان تحریک انصاف کے سردار قیوم نیازی ایوان میں 33 ووٹ حاصل کر کے آزاد کشمیر کے وزیراعظم منتخب ہوئے بعد وزیر اعظم آزاد کشمیر کی حیثیت سے حلف اٹھا لیا. ان سے صدر مسعود خان نے حلف لیا.

آزاد کشمیر کی قانون ساز اسمبلی میں ووٹنگ کے دوران تحریک انصاف کے سردار عبدالقیوم نیازی کو 33 ووٹ ملے متحدہ اپوزیشن کے امیدوار چوہدری اکبر لطیف کو
15 ووٹ ملے.

اس سے قبل آج ہی وزیراعظم عمران خان نے سردار عبدالقیوم نیازی کو وزارت عظمیٰ کا امیدار نامزد کیا تھا جس کی تصدیق وزیر اطلاعات فواد چوہدری نے کی تھی۔

اپنے انتخاب کے عبدالقیوم نیازی نے اپنی پارٹی کے سربراہ عمران خان اور عوام کا شکریہ ادا کرتے ہوئے اس عزم کا اظہارکیا کہ میں ایمانداری سے کام کروں گا اور قیادت کی امیدوں پر پورا اتروں گا

طویل ترین مشاورت کے بعد غیر متوقع طور پر سردار عبدالقیوم نیازی وزارت اعظمیٰ کے لئے نامزد قرار پائے ، آزاد کشمیر کی قانون ساز اسمبلی میں آج ہی ووٹنگ ہو رہی ہے جب کہ متحدہ اپوزیشن نے چوہدری لطیف اکبر کو نامزد کیا.

وفاقی وزیر اطلاعات فواد چوہدری نے ٹوئٹر پر بیان میں تصدیق کی کہ پاکستان تحریک انصاف نے وزیراعظم آزاد کشمیر کے لیے سردار عبدالقیوم نیازی کو نامزد کر دیا ہے۔

سردار عبدالقیوم نیازی نے 25 جولائی کو ہونے والے آزاد کشمیر کی قانون ساز اسمبلی کے انتخابات میں حلقہ ایل اے 18 پونچھ ون سے کامیابی حاصل کی تھی اور وہ مسلم کانفرنس سے تحریک انصاف میں شامل ہوئے تھے.

آزاد کشمیر اسمبلی میں پیپلز پارٹی کی 12 اور مسلم لیگ ن کی 7 نشستیں ہیں جب کہ جموں کشمیر پیپلز پارٹی اور مسلم کانفرنس کے پاس ایک ایک نشست موجود ہے۔

واضح رہے کہ وزیراعظم آزاد کشمیر کے نام کے انتخاب کیلئے طویل مشاورت ہوئی اور اس دوران عمران خان نے انٹرویوز کئے لیکن گزشتہ کئی دنوں سے میڈیا اور سوشل میڈیا پر صرف بیرسٹر سلطان اور سردار تنویرالیاس کانام لیا جارہاتھا۔

Comments are closed.