اسلام آباد(زمینی حقائق ڈاٹ کام) عمران خان کے ایک متنازعہ جملہ نے ملتان جلسہ کا موضوع بد ل کررکھ دیا،مریم نواز کے حوالے سے جملہ کسنے پر ن لیگ کے رہنماوں کا سخت ردعمل سامنے آیا ہے۔
ملتان جلسہ میں عمران خان کے جملہ پرنواز شریف نے کہاعمران خان کو یہ نہیں پتہ ماں بہن کی عزت کس کو کہتے ہیں مدینہ کی ریاست کا نام لیکر حرکتیں وہ کرتا ہے جو دنیا کے کسی گندے سے گندے معاشرے میں دیکھنے کو نہیں ملتیں۔
وزیراعظم شہباز شریف بولے جنھیں مسجد نبوی کی حرمت کا پاس نہیں اس سے بہنوں بیٹیوں کی عزت و تکریم کیا توقع ہو سکتی ہے۔
بیٹی مریم نواز شریف کے خلاف قابل افسوس زبان درازی پر پوری قوم خاص طور پر خواتین پرزور مذمت کریں۔ کم ظرفی کے اظہار سے ملک وقوم کے خلاف آپ کے جرائم چھپ نہیں سکتے۔ مسجد نبوی کی حرمت و ناموس کا پاس نہ کرنے والوں سے ماؤں، بہنوں، بیٹیوں کی عزت وتکریم کی کیا توقع ہوسکتی ہے۔
— Shehbaz Sharif (@CMShehbaz) May 20, 2022
کپتان اچھی خاصی سیاسی اننگز کھیلتے کھیلتے نو بال کر گئے،مخالفین پر ہمیشہ سے لفظی حملے کرنے والے عمران خان نے اسی انداز میں ایک غیر محتاط جملہ سابق وزیراعظم نوازشریف کی بیٹی کے خلاف بھی بول دیا۔
سوشل میڈیا پر مسلم لیگ ن کے رہنماوں کی جانب سے سخت ردعمل آنے کا سلسلہ جاری ہوگیا، مریم نواز کے والد نوازشریف بھی خاموش نہ رہ سکے،بولے عمران خان جانتے ہی نہیں ماں بہن کی عزت کیسے کرتے ہیں؟
عمران نیازی مریم نواز کیخلاف اپنی بدزبانی سے شائستگی، اقدار اور برداشت کی تمام حدیں عبور کر چکا ہے-یہ عمران کی ذہنی پستی اور بے غیرتی کی عکاس ہے اور ناقابل برداشت ہے-
عمران نیازی نے پاکستان کی ہر بیٹی کی توہین کی ہے-اگر معافی نہیں مانگتا تو قانون کو حرکت میں آنا چائیے-بہت ہو گیا!— Ahsan Iqbal (@betterpakistan) May 20, 2022
وزیراعظم شہبازشریف نے چیئرمین پی ٹی آئی کے الفاظ کی مذمت کی اورافسوس کااظہار کیا،کہاکم ظرفی کے اظہار سے ملک و قوم کے خلاف آپ کے جرائم چھپ نہیں سکتے۔
وزیر داخلہ راناثنااللہ بھی طیش میں آگے ،کہاعمران خان پلید زبان کو لگام دو ورنہ گندگی پھیلانے والی زبان ہمیں کھینچنا آتی ہے،تم قوم کی بیٹی مریم نواز کے بارے میں جملے بازی کرکے پوری قوم کی خواتین کی توہین کررہے ہو۔
#بدزبان_بےلگام_عمران_خان
جس پر شیاطین اترتے ھیں pic.twitter.com/u1ao9qWugg— Khawaja Saad Rafique (@KhSaad_Rafique) May 20, 2022
خواجہ سعد رفیق بولے ماؤں بہنوں سے متعلق بدکلامی کرنے والا عمران خان یقیناً تباہی کی راہ پر ہے،احسن اقبال نے غیر پارلیمانی الفاظ میں ردعمل دیا،کہا جس جس نے بھی اس کو قوم پر مسلط کرنے میں حصہ ڈالا ہے وہ شرمسار ضرور ہوگا۔
Comments are closed.