ضمنی انتخابات، قومی اسمبلی کے 6، پنجاب اسمبلی کے 7 حلقوں میں پولنگ جاری

فوٹو : فائل

اسلام آباد : ضمنی انتخابات، قومی اسمبلی کے 6، پنجاب اسمبلی کے 7 حلقوں میں پولنگ جاری ہے، الیکشن کمیشن کے کہنے پر سکیورٹی اور انتخابی عمل کی نگرانی کیلئے آرمڈ فورسز کی تعیناتی کی گئی ہے جو ہری پور میں وزیر اعلیٰ سہیل آفریدی کی تقریر کی بنیاد پر تعیناتی کی گئی.

ضمنی انتخابات کا آج صبح آعاز ہوا، یہ انتخابات لاہور، فیصل آباد، ساہیوال، ڈیرہ غازی خان، سرگودھا، میانوالی اور مظفر گڑھ اور ہری پور میں ہو رہے ہیں۔

پولنگ صبح 8 بجے سے شام 5 بجے تک ہوگی اور شہری اپنے پسندیدہ امیدواروں کے نام اور نشان پر مہر لگائیں گے، تاہم نتائج کے بارے میں شکوک شبہات موجود ہیں۔

ووٹنگ کے دوران این اے 104 فیصلہ آباد میں معذور میاں بیوی ووٹ کاسٹ کرنے پولنگ اسٹیشن پہنچ گئے اور اپنا حقِ رائے دہی استعمال کیا۔

اسی طرح پی پی 269 گورنمنٹ گرلز ہائی اسکول کرم داد پولنگ اسٹیشن میں ووٹنگ کے دوران بے نظمی ہوئی جہاں پیپلزپارٹی اور آزاد امیدوارکے حامیوں نے ایک دوسرے پر دھاندلی کے الزامات لگائے جس پر کچھ وقت کےلیے پولنگ کا عمل روک دیا گیا۔

ضمنی انتخابات کے حوالے سے ترجمان الیکشن کمشنر پنجاب نے کہا کہ تمام پولنگ اسٹیشنز پر پولنگ کا عمل جاری، سکیورٹی کے سخت انتظامات ہیں ۔

انہوں نے کہا کہ متعلقہ حلقوں کے ووٹرز بلا خوف و خطر پولنگ اسٹیشنز پر آئیں، پولنگ اسٹیشنز پر موبائل فون لے کرجانے کی اجازت نہیں ہے جبکہ الیکشن کمیشن اسلام آباد اور الیکشن کمشنر پنجاب میں کنٹرول روم قائم ہیں۔

واضح رہے تمام حلقوں کے 2792 پولنگ اسٹیشنوں میں سے 408 انتہائی حساس اور 1032حساس قرار دیے گئے ہیں جبکہ 20 ہزار سے زائد اہل کار سکیورٹی کے لیے تعینات کیے گئے ہیں۔

این اے 18 ہری پور میں ضمنی انتخاب میں9 امیدوار میدان میں ہیں۔ پی ٹی آئی کی حمایت یافتہ آزاد امیدوار شہرناز، ن لیگ کے بابر نواز خان اور پیپلز پارٹی کی ارم فاطمہ کے درمیان سخت مقابلے کا امکان ہے۔

یہ نشست پی ٹی آئی کے رہنما اور قومی اسمبلی میں اپوزیشن لیڈر عمر ایوب کی 9 مئی کیس میں سزا اور نااہلی کے بعد خالی ہوئی تھی۔

فیصل آباد کےحلقہ این اے 96 میں 16 امیدوار حصہ لے رہے ہیں اور یہاں ن لیگ کے طلال بدر چوہدری کا مقابلہ آزاد امیدواروں سے ہوگا۔

وزارت داخلہ نے ہری پور سمیت 13 حلقوں میں انتخابات کے دوران فوج تعینات کرنے کا نوٹیفکیشن جاری دیا

یہ نشست پی ٹی آئی کے رائے حیدر علی کھرل کی نااہلی پر خالی ہوئی تھی، فیصل آباد کےحلقہ این اے 104 میں ن لیگ کے راجہ دانیال اور 4 آزاد امیدواروں میں مقابلہ ہوگا۔

یہ نشست سنی اتحاد کونسل کے چیئرمین حامد رضا کی 9 مئی کیس میں سزا کے سبب خالی ہوئی تھی۔

این اے 185 ڈیرہ غازی خان میں 8 امیدوار میدان میں ہیں اور یہاں ن لیگ کے محمود قادر لغاری اور پیپلز پارٹی کے سردار دوست محمد کھوسہ میں کڑا مقابلہ متوقع ہے۔

یہ نشست پی ٹی آئی کی زرتاج گل وزیر کی 9 مئی کیس میں سزا اور نااہلی کے باعث خالی ہوئی تھی، یہ نشستیں پاکستان تحریک انصاف کے رہنماؤں کی 9 مئی کے مقدمات میں نااہلی کے باعث خالی ہوئی تھیں.