عمران خانا۔۔ سڑو اب جیل میں

مقصود منتظر

جاو اوئے ۔۔۔ عمران خانا ۔۔۔ تو واقعی نالائق تھا ۔۔ پاگل تھا ۔۔۔۔۔۔۔ نااہل اور نکما تھا
تجھے شہرت ملی ، حکومت ملی ،اقتدار ملا ۔۔ سب کچھ ملا ۔۔۔ مگر تو فائدہ نہ اٹھا سکا ۔۔۔ تو واقعی نالائق ہے۔۔
تجھے جہانگیر ترین اور علیم خان جیسی بڑی اے ٹی ایم مشینیں ملیں ۔۔۔ مگر تم نے دونوں کو ناراض کرکے نااہلی کا کلنگ ماتھے پر سجایا ۔۔

تجھے جنرل باجوہ جیسے پاور فل فوجی سربراہ کا ساتھ ملا ۔۔۔ مگر اسے بھی تو خوش نہ رکھ سکا ۔۔۔ تو پاگل ہے۔۔۔
تجھے بے بس اپوزیشن ملی مگر تم نے ان کی بے بسی کا فائدہ اٹھانے کے بجائےاحتسابی عمل سے اپوزیشن کو متحد اور طاقتور بنایا ۔۔۔ تو کم ظرف نکلا ۔۔
تو نے روس کا انتخاب کرکے سپر پاور امریکا کو بائی بائی کہنے کی غلطی کی ۔۔۔ تو غلط ثابت ہوا ۔۔۔

ارے ۔۔۔ خان صاحب ۔۔۔۔
تجھے کیا پڑی تھی ۔۔۔۔غریبوں اور مزدورں کیلئے لنگر خانے کھول بیٹھا ۔۔۔۔ سرمایہ کاروں کو خوش کرتا ۔۔۔۔ وڈیروں کو اسکیمیں دیتا ۔۔۔ جاگیرداروں سے مراسم بناتا ،،،،
لنگر خانوں سے تجھے ملنا کیا تھا ۔۔۔ غریب یا مزدور کو دو وقت کی روٹی یا رات کو سونے کیلئے چھت فراہم کرنے سے تیرے اقتدار کو کون سا دوام ملنا تھا ۔۔۔

بڑا بنا تو غریبوں کا مسیحا۔۔۔غریب تھوڑا تیرا ساتھ دیتا ۔۔۔ 10 لاکھ تک مفت صحت کی سہولت فراہم کرنے کا بھلا کیا فائدہ ہوا ۔۔۔ اس سے بہتر تھا کہ چند بڑے اسپتالوں یا بااثر ڈاکٹروں اور بیورو کریٹس کو خوش کرلیتا ۔۔۔

تو کتنا نکما نکلا ۔۔۔ بزدار جیسے بندے کو وزیر اعلیٰ لگا کر بڑے سرمایہ دار علیم خان سے پنگاہ لیا ۔۔ کیا ملنا تھا بزدار سے ۔۔ علیم خان وزیر اعلیٰ بن جاتا تو تیری تیسری نسل بھی سو سال تک عیاشی کرتی ۔۔۔ تجھے توشہ خانہ کی گھڑی بیچنا نہ پڑتی ۔۔۔

کیا ہوتا چینی دس بیس روپے مہنگی ہوتی ۔۔ ہونے دیتا ۔۔۔ ( جس طرح اب ہورہی ہے ) تیری کیا جانا تھا ۔۔ خوامخواہ میں اچھے بھلے دوست جہانگیر ترین کو دیوار سے لگایا ۔۔۔ وہ چینی سے منافع کماتا تو تجھے بھی حصہ ملتا ۔۔ ایویں فضول میں ۔۔۔ غریب اور قوم کا غم خوار بنا بیٹھا ۔۔۔

کیا ہوتا چاول یا آٹا مہنگا ہوتا ۔۔۔۔۔ کس نے تم سے پوچھنا تھا ۔۔۔ جاگیر داروں کو اعتماد میں لیتا ۔۔۔ تجھے ہیرے کی انگوٹھی نہیں سینکڑوں انگوٹھیاں ملتیں ۔۔۔

لندن میں کسی کی رقم پڑی تھی ۔۔۔ پڑی رہنے دیتا ۔۔۔ تجھے بھیج میں ٹانگ اڑا کر خود کی ٹانگ پھنسانے کی کیا ضرورت تھی ۔ ان ڈالرز سے قوم کا کون سا بھلا ہونا تھا۔۔۔
پٹرول مہنگا کرکے یہ بتاتا ۔۔۔ مشکل فیصلے ۔۔۔ آئی ایم ایف کے کہنے پر کرنے پڑرہے ہیں ۔۔ تو کس عدالت نے تم سے جواب مانگنا تھا ۔۔ آٹا تین ہزار ، چاول سات ہزار ، چینی 140 روپے کلو کرکے کس نے پوچھا تھا تم سے ۔۔۔

القادر یونیورسٹی بنائی ہی کیوں ۔۔۔۔ نمل کی طرح پرائیوٹ ادارہ کھول لیتا ۔۔۔ کیا سپانسرز کی کوئی کمی تھی ۔۔۔ شوکت خانم میں غریبوں کا مفت علاج کرواکے تم کون سے جہاد کیا۔۔۔ کیوں امیروں کی روزی روٹی پر لات ماری ۔۔

تم بہت خود غرض ہو ۔۔ملک کے قد آور سیاست دان میاں صاحب اور اس کے بھائی شہباز صاحب ، مفاہمت کے شاہنشاہ آصف علی زرداری صاحب ۔۔۔ سب سے بڑے عالم سیاستدان جناب مولانا فضل الرحمان کو ٹکے کی ویلیو نہیں دی ۔۔۔ ان کو ساتھ رکھ کر پانچ سال تو پورا کرلیتا ۔۔۔ کیا ہوتا اگر ان کے کیسز تمہاری حکومت میں ہی ختم ہوتے ۔۔۔

جناب ۔۔۔ جہانگیر ترین ، علیم خان جیسے سرمایہ داروں کو کک مار کر چھوٹی سے گھڑی خرید کر اسے کو ظاہر نہ کرکے تم نے ثابت کیا کہ تو نااہل ہے ۔ نالائق ہے
کوئی اگر دائر سے باہر نکل کر کھیل رہا تھا ۔۔۔ تو یہ کون سی نئی بات تھی ۔۔۔ کیوں پنگاہ لیا ۔۔ کیا ملا پنگا لیکر؟ ۔۔

الیکشن کمیشن سے پنگاہ ۔۔۔ عدالتوں سے پنگاہ ۔۔۔ فوجی سربراہوں سے پنگاہ ۔۔۔ پولیس سے پنگاہ ۔۔ اپوزیشن سے پنگاہ ۔۔۔ کیا ملنا تھا ان پنگوں سے ۔۔۔ خاموش رہ کر پانچ سال پورے کرتا ۔۔۔
سیلاب زدگان کیلئے 6 ارب روپے اکٹھا کرنا کون سی دانائی تھی ۔۔۔ کیوں نہ اپنے لیے کچھ مانگ لیتا شاید گھڑی خرید کر بیچنی نہ پڑتی ۔۔۔

کراچی میں شوکت خانم بنانے سے بہتر تھا ۔۔۔ اپنے کیلئے چندہ مانگ لیتا ۔۔۔ کون پیسے نہ دیتا ۔۔۔
تو تو ہے ہی نالائق ۔۔۔ جو غریب کا سوچا ۔۔۔ امیر کو ناراض کیا ۔۔ بااثر کا ہاتھ چھوڑا ۔۔
اب بھگتو ۔۔۔ جیل میں سڑو ۔۔۔ نالائقو ۔۔۔۔

عمران خانا۔۔ سڑو اب جیل میں