مولانا طارق جمیل  دل کا دورہ پڑنے کے باعث اسپتال داخل

اسلام آباد: معروف مذہبی اسکارلر مولانا طارق جمیل  دل کا دورہ پڑنے کے باعث اسپتال داخل ہوگئے ہیں پہ ان دونوں وہ کینیڈا میں ہیں۔

مولانا طارق جمیل کو دل کا دورہ پڑنے کی اطلاع ان کے بیٹے یوسف جمیل نے ٹوئٹرپر پیغام میں کی ہے جس کے ساتھ انھوں نے دعاوں کی درخواست بھی کی۔

ٹوئٹر پر ان کے پیغام میں بتایا گیا ہے کہ ان کے والد کینیڈا میں ہیں جہاں انہیں دل کا دورہ پڑنے پر اسپتال منتقل کیا گیا ہے۔

ان کے فرزند یوسف جمیل کا کہناہے کہ اللہ کے فضل سے اب ان کی حالت بہت بہتر ہے، آپ سب احباب سے دعاؤں کی درخواست ہے، اللہ رب العزت والد محترم کو صحت کاملہ عطا فرمائیں۔

بابا جان اس وقت کینیڈا میں ہیں اور ان کو دل کا دورہ پڑنے پر ہسپتال منتقل کیا گیا ہے. اللہ کے فضل سے اب ان کی حالت بہت بہتر ہے. آپ سب احباب سے دعاؤں کی درخواست ہے. اللہ رب العزت والد محترم کو صحت کاملہ عطا فرمائے.

— Yousaf Jamil (@YousafjamilMTJ) December 27, 2022

ان کے بیٹے یوسف جمیل کے بیان کو مولانا طارق جمیل کے آفیشل اکاؤنٹ سے ری ٹوئٹ کرایا گیا ہے۔

واضح رہے کہ اس سے قبل جنوری 2019ء میں بھی مولانا طارق جمیل کو دل کا دورہ پڑنے پر اسپتال منتقل کیا گیا تھا، جہاں ان کی انجیو گرافی کی گئی تھی۔