پی اے سی کا ڈی جی رینجرز اور آئی جی ایف سی نارتھ کی اجلاس میں غیرحاضری پر آرمی چیف سے شکایت کا فیصلہ

45 / 100

فائل:فوٹو

 

اسلام آباد: پبلک اکاوٴنٹس کمیٹی نے ڈی جی رینجرز اور آئی جی ایف سی نارتھ کی اجلاس میں غیرحاضری پر ناراض ہوتے ہوئے آرمی چیف سے شکایت کرنے کا فیصلہ کیا ہے۔

 

پبلک اکاوٴنٹس کمیٹی کے چیئرمین نور عالم خان کی زیر صدارت کمیٹی کا اجلاس منعقد ہوا۔ اجلاس میں ڈی جی رینجرز، آئی جی ایف سی نارتھ کی عدم موجودگی پر کمیٹی نے اظہار ناراضی کیا۔

 

پی اے سی کمیٹی نے ڈی جی رینجرز کی غیر حاضری کے باعث رینجرز کے پیراز لینے سے انکار کردیا۔ چیئرمین کمیٹی نور عالم خان نے کہا کہ رینجرز کے پیراز انتہائی تشویش والے ہیں لیکن ڈی جی رینجرز نہیں آئے، ڈی جی رینجرز، آئی جی ایف سی نارتھ کی غیر حاضری پر آرمی چیف کو آگاہ کیا جائے۔

 

پی اے سی کی جانب سے سیکریٹری داخلہ پر بھی اظہار ناراضی کرتے ہوئے طلبی کا نوٹس جاری کیا گیا۔

دوسری جانب اجلاس میں پاک افغان سرحد پر کشیدگی، فائرنگ اور افغان فورسز کی گولہ باری سے پاکستانیوں کی شہادت کے معاملات بھی زیر بحث آئے۔

 

کمیٹی کے رکن مشاہد حسین سید نے کہا کہ امریکہ افغانستان میں 95 ہزار جدید ترین بندوقیں چھوڑ گیا، امریکا کی افغانستان میں چھوڑی گئی جدید بندوقیں ٹی ٹی پی تک کیسے پہنچیں؟ یہ گنز نائٹ ویڑن بھی رکھتی ہیں۔

 

رکن شیخ روحیل اصغر نے کہا کہ یہ جدید گنز بنوں میں ہماری وردیوں کو خون میں رنگ گئیں، ہماری ایک پالیسی کیوں نہیں رہتی؟ ایک سابق افسر افغانستان جا کر طالبان کے ساتھ چائے پیتے اور تصویریں بنواتے ہیں۔

Comments are closed.