فوٹو : اسکرین گریب
اسلام آباد: چیئرمین پاکستان تحریک انصاف عمران خان نے جمعہ کو لانگ مارچ کی تاریخ دینے کا اعلان کردیا، انھوں نے کہ حکومت سے الیکشن کی طرف جانے کی امید نہیں ہے۔
اسلام آباد میں رہائی پانے والی پی ٹی آئی سینیٹر اعظم سواتی کے ہمراہ پریس کانفرنس میں عمران خان نے کہا کہ پاکستان کی عوام مجھ سے بھی زیادہ لانگ مارچ کےلئے تیارہے
انھوں نے ایک بار پھر تشدد کی مذمت کی اور کہا کہ یہ بنانا ریاست ہی کی علامت ہے کہ آپ جسے چاہتے ہیں پکڑتے ہیں تشدد کرتے ہیں دہشتگردی کے مقدمے بنا دیتے ہیں۔
Chairman PTI @ImranKhanPTI talks about custodial torture on Shehbaz Gill and Senator Azam Swati. pic.twitter.com/Q1HTrHDkP0
— PTI (@PTIofficial) October 22, 2022
عمران خان نے کہا یہ نامعلوم افراد کون ہیں جو سوشل میڈیا پر ٹوئٹ والوں کو بھی پکڑ کر لے جاتے ہیں اور مارتے ہیں کیا اس طرح کرنے سے اداروں کی عزت بڑھتی ہے یا کم ہوتی ہے۔
یہ جو ظلم کر رہے ہیں کیا اس سے قوم اداروں کی عزت کرے گی؟ اس سے صرف نفرتیں بڑھیں گئی۔ کوئی ایسے نامعلوم افراد ہیں جن کا نام لیتے سب کو ڈر لگتا، سوشل میڈیا پر کوئی ٹویٹ کر دے تو اسے پھینٹا لگا دیتے ہیں۔ لوگوں کو اٹھاتے ہیں اور ان کو کہتے ہیں عمران خان کیخلاف بیان دو۔@ImranKhanPTI pic.twitter.com/w3YZvYOOpR
— Zeeshan Imran (@zeeshanimranpti) October 22, 2022
انھوں نے بیک ڈور رابطوں کااعتراف کرتے ہوئے کہا کہ سیاسی جماعتوں کے رابطے اور بات چیت چلتی رہتی ہے لیکن میں اس سے پرامید نہیں ہوں۔
سابق وزیراعظم نے ٹیٹف سے نکلنے پر حماد اظہر اور ان کی ٹیم کو مبارکباد دی اور سب کو مبارکباد دیتے ہوئے کہا کہ ہماری کوششوں سے یہ اچھی خبر ملی ہے۔
سیف اللہ نیازی سے متعلق سوال پر چیئرمین پی ٹی آئی نے کہاکہ وہ لانگ مارچ کی وجہ سے انڈر گراونڈ ہیں ، انھیں نے مانسہرہ سے رکن اسمبلی صالح محمد کی گرفتاری کی مذمت کی اور ان کی تصویر دکھائی کہ پولیس کارویہ دیکھیں۔
لانگ مارچ کا اعلان آنے والے جمعہ کو کروں گا، عمران خان کا پریس کانفرنس pic.twitter.com/gUa6Dygkvk
— PTI (@PTIofficial) October 22, 2022
اس موقع پر سینیٹر اعظم سواتی نے کہا میں خود وکیل ہوں امریکہ میں وکالت کی کئی سینئر رہنما میرے کلاس فیلوز ہیں میں سب وکلا سے اپیل کرتا ہوں وہ میرے ساتھ اور دیگر لوگوں کے ساتھ اس ہتک آمیز رویہ پر آواز بلند کریں۔
Comments are closed.