امپرومنٹ کے لیے تمام مضامین میں پاس ہونے کی شرط ختم

فائل:فوٹو

اسلام آباد: وفاقی تعلیمی بورڈ نے امپرومنٹ کے لیے تمام مضامین میں پاس ہونے کی شرط ختم کردی۔

وفاقی تعلیمی بورڈ کی جانب سے جاری کردہ نوٹیفکیشن میں کہا گیا ہے کہ طلباء فیل مضامین کے ساتھ امپرومنٹ کیلئے پاس مضامین کے امتحانات بھی دے سکیں گے۔

ذرائع کا کہنا ہے کہ چیئرمین وفاقی تعلیمی بورڈ نے ترمیم کی منظوری دے دی ہے جبکہ اس حوالے سے بورڈ آف گورنرز سے منظوری لی جائے گی۔

واضح رہے کہ وفاقی تعلیمی بورڈ کے قوانین کے مطابق تمام مضامین میں پاس طلباء ہی امپرومنٹ امتحان دے سکتے تھے۔