پاکستان کو نسیم شاہ کی صورت میں یقینی طور پر ایک ہیرا مل گیا،سُربھی جیوتی

فوٹو: انٹرنیٹ 

ممبئی:بھارتی اداکارہ اور ماڈل گرل اروشی روٹیلا کے بعد بھارتی اداکارہ سُربھی جیوتی بھی پاکستانی بولر نسیم شاہ کی مداح نکلیں ۔

ٹوئٹر پر جاری بیان میں سُربھی جیوتی نے کہا کہ پاکستان کو نسیم شاہ کی صورت میں یقینی طور پر ایک ہیرا مل گیا ہے۔

اداکارہ نے اپنی ٹوئٹ میں نسیم شاہ کا ہیش ٹیگ بھی استعمال کیا ہے۔

Pakistan has definitely got a gem…#NaseemShah 💯#AsiaCup2022

— Surbhi Jyoti (@SurbhiJtweets) September 7, 2022

واضح رہے کہ افغانستان کے خلاف میچ میں نسیم شاہ نے افغان بولر فضل حق فاروقی کو آخری اوور میں دو چھکے مار کر ہاری ہوئی بازی پلٹ دی تھی اور پاکستان میچ ایک وکٹ سے جیت کر ایشیا کپ کے فائنل میں پہنچ گیا ہے۔

یاد رہے کہ اس سے پہلے بھارتی اداکارہ اور ماڈل گرل اروشی روٹیلا کی جانب سے بھی نسیم شاہ کی ویڈیو اسٹوری پوسٹ کی گئی تھی۔