فوٹو: انا شیخ ، ماہم فائل
فیصل آباد: طالبہ خدیجہ پر تشدد ، ملزمہ ماہم سمیت 6ملزمان گرفتار، گھر سے شراب بھی برآمد ہو گئی ، پورے گھر والوں نے مل کر میڈیکل کی طالبہ خدیجہ غفور کو گھر سے اغوا کرکے اپنے گھر لے جا کر جوتے چاٹنے پر مجبور کیا اور بال کاٹے تھے۔
ماہم مبینہ طور پر ملز مالک کی مبینہ بیوی ہے جب کہ اس کی پہلی بیوی کو وہ طلاق دے چکا ہے ، بتایا جاتا ہے کہ ویڈیو میں خدیجہ پر چیخنے والی یہی ماہم ہے جب کہ موقع پر دیگر ملزمان اور اناشیخ بھی موجود تھی اور اغوا کرکے لانے والے ملزمان بھی۔
فیصل آباد میں نجی ملز کے مالک کے خلاف تھانہ ویمن میں درج مقدمہ کے مطابق ملزم اسکی کلاس فیلو کا والد ہے جو اسے شادی کرنے پر مجبور کر رہا تھا جبکہ شادی سے انکار پر ملزم نے اپنی بیٹی انا فاطمہ، ملازمہ ماہم اور دیگر ساتھیوں کے ہمراہ خدیجہ کو اسکے گھر سے اغواء کرلیا ۔
اس نے خدیجہ غفور کو اپنے گھر لے جا کر اسے تشدد کا نشانہ بناتے ہوئے زخمی کرنے کے بعد اسکے سر کے بال بھی کاٹ دئیے، اس سے پہلے مبینہ طور پرجنسی ہراساں بھی کیا گیا۔
ویڈیو بنا کر بھی سوشل میڈیا پر وائرل ہونے پر ملزم خاندان کے خلاف کارروائی کی گئی ، پولیس نے واقعہ میں ملوث مرکزی ملزم اور خاتون ماہم سمیت چھ افراد کو حراست میں بھی لے رکھا ہے اور ماہم کو عدالت پیش کیاگیا۔
This is daughter of #SheikhDanish, her name is #AnaAli & she involved her class fellow Khadija in this horrible story. Khadija refused to her father’s marriage proposal & then Ana Ali used her friendship to humiliate & tortured Khadija.
Justice should be done!#justiceforkhadija pic.twitter.com/57uvM2886u— Insafian (@RealYasir__Khan) August 17, 2022
گرفتاری کے عمل کے دوران ملزم کے گھر کی تلاشی کے دوران لاکھوں روپے مالیت کی شراب کی بوتلیں بھی برآمد ہوئیں، پولیس نے واقعات کے مقدمات بھی درج کر رکھے ہیں۔
پولیس کی جانب سے ملزمہ ماہم بی بی کو علاقہ مجسٹریٹ کی عدالت میں پیش کرتے ہوئے 14 روزہ جسمانی ریمانڈ کی استدعا کی ،جس کے بعدگرفتار ملزمہ ماہم کو عدالتی حکم پر جوڈیشل ریمانڈ پر عدالت منتقل کردیا گیا ۔
ملزم شعیب، اصغر، فیضان، طیب کو دو روزہ جسمانی ریمانڈ پر تھانہ ویمن پولیس کے حوالے کردیا گیا ہے۔ مرکزی ملزم کے گھر کی تلاشی کے دوران بھاری تعداد میں شراب کی بوتلیں اور بھاری مقدار میں جدید اسلحہ بھی برآمد کیا گیا۔
جس کا مقدمہ تھانہ کھرڑیانوالہ میں درج کیا گیا ہے، جس میں پولیس کی جانب سے مرکزی ملزم کو جڑانوالہ عدالت میں پیش کیا گیا جہاں ملزم کی شراب نوشی کے مقدمہ میں 50 ہزار کے مچلکے کے عوض ضمانت منظور کرلی گئی۔
طالبہ خدیجہ پر تشدد کیس پر وزیراعلیٰ پنجاب پرویز الٰہی کی جانب سے واقعہ کا نوٹس لیتے ہوئے آئی جی پنجاب سے جامع رپورٹ بھی طلب کرلی گئی جبکہ چیئرمین اسٹینڈنگ کمیٹی ہیومن رائٹس کی جانب سے بھی معاملے پر نوٹس لیتے ہوئے ذمہ داران کے خلاف سخت قانونی کارروائی کی سفارش کی گئی ہے۔
#Faisalabad Businessman Sheikh Danish & Ana Sheikh abducted a medical student Khadijah, brutally tortured, shaved her eye brows & trimmed hair & make her lick their shoes. Her crime is turning down the marriage proposal of Danish. #Lanat should be arrested & give max punishment. pic.twitter.com/IBwSSdtCGW
— Dr. Amna Jamal (@amnakegossips) August 17, 2022
سٹی پولیس آفیسر عمر سعید ملک کی جانب سے مقدمہ میں نامزد ملزمہ انا کو بیرون ملک بھاگنے سے روکنے کیلئے نام ای سی ایل میں شامل کرنے کی بھی سفارش کی گئی ہے اور اس حوالے سے ایڈیشنل ڈائریکٹر جنرل امیگریشن ونگ ایف آئی اے اسلام آباد کو درخواست دی گئی ہے۔
Comments are closed.