اسلام آباد : فرح گوگی کو پاکستان واپس لانے کیلئے ریڈ وارنٹ جاری کرنے کا اعلان، یہ اعلان حکومت پنجاب نے کرپشن کے الزامات پر فرحت شہزادی عرف فرح گوگی کو وطن واپس لانے کے لیے کیا ہے.
وزیر قانون پنجاب عطا تارڑ نے ملک احمد خان کے ہمراہ پریس کانفرنس میں کہا کہ ’’لوٹ کر کھا گئے پاکستان، بشریٰ، گوگی اور کپتان‘‘، فرح گوگی نے 10 ایکڑ کا انڈسٹریل پلاٹ جو کہ 60 کروڑ روپے مالیت کا تھا وہ پلاٹ 8 کروڑ 30 لاکھ روپے میں اپنے نام کروایا.
بشریٰ بی بی , فرح گوگی اور احسن جمیل گجر نے عمران خان کی ایماء پر کرپشن کی ہے.عمران نیازی سرٹیفائیڈ چور ثابت ہوچکا ہے اس نے گھڑیاں بیچی ہیرے کی انگوٹھیاں بیچی اور رشوت لیکر افسران لگائے.@TararAttaullah pic.twitter.com/7HWPP7Xihb
— PML(N) (@pmln_org) July 3, 2022
انھوں نے بتایا کہ احسن جمیل نے جعلی بینک گارنٹی لے کر پلاٹ اپنے نام منتقل کروایا جب کہ بشریٰ بی بی بنی گالہ میں بیٹھ کر ڈیل کرتی تھیں اور مال بناتی رہی ہیں.
عطا تارڑ نے الزام لگایا کہ عمران خان پاکستان کی تاریخ کے سب سے بڑے چور ہیں، عمران خان کی کرپشن پر تو نیٹ فلیکس میں سیریز بنے گی کیوں کہ فرح گوگی، بشری بی بی اور جمیل گجر کی ٹرائیکا کے سربراہ عمران خان ہیں۔
یہ کیسی بیرونی سازش تھی کہ سازش کرنے والے خود آپکے سفیر کو بتارہے ہیں.اگر ایک چیز پوشیدہ نہیں ہے اسے چھپایا نہیں جارہا تو کیا اسے سازش کیا جاسکتا ہے.صوبائی وزیرقانون ملک احمد خان pic.twitter.com/bB0NhDzDMk
— PML(N) (@pmln_org) July 3, 2022
اس موقع پر عطا تارڑ نے کہا کہ ہمارا مطالبہ ہے کہ عمران خان فرح گوگی اور اس کے خاوند کو واپس لائیں، ہم فرح گوگی کے ریڈ وارنٹ جاری کرنے جارہے ہیں.
آپ کا کوئی ڈاکا 50 کروڑ سے کم کا نہیں، آپ کی کرپشن سامنے آتی ہے تو آپ فوج کو برا بھلا کہنا شروع کردیتے ہیں اور اداروں پر حملے شروع کردیتے ہیں۔
Comments are closed.