عمران خان ابھی تک کارکنوں پر ہونے والے تشدد پر رنجیدہ، ویڈیوز شیئر کیں

اسلام آباد(ویب ڈیسک) سابق وزیراعظم عمران خان ابھی تک کارکنوں پر ہونے والے تشدد پر رنجیدہ، ویڈیوز شیئر کیں، معاملے پر سپریم کورٹ جانے کا اعلان کیا ہے.

حقیقی آزادی مارچ کےدوران مبینہ پولیس چھاپوں اورتشدد کی ویڈیوز شئیر کی گئی ہیں جن میں پولیس گھروں میں داخل ہوتی دکھائی گئی ہے۔

عمران خان کی طرف سے ایک ویڈیو ٹوئٹر پر شیئر کی گئی ہے جس میں ان چھاپوں کی مذمت بھی کی گئی ہے،انہوں نے پیغام میں کہاکہ یہ ناقابل قبول اورقابل مذمت اقدام ہے۔

چیئرمین پاکستان تحریک انصاف کا کہنا ہے کہ مجرم امپورٹڈ حکومت اورپولیس نے پرامن مظاہرین کےخلاف بربریت کامظاہرہ کیا۔

انہوں نے کہا ہے کہ آئین اورسپریم کورٹ کےاحکامات کی دھجیاں بکھیری گئیں،مارچ سےایک روزپہلے پنجاب اورسندھ پولیس نےکارکنوں کوہراساں کیا۔

0Shares

Comments are closed.