بلوچستان بلدیاتی انتخابات ،آزاد امیدوار آگے، سیاسی جماعتیں پیچھے رہ گئیں

کوئٹہ(زمینی حقائق ڈاٹ کام) بلوچستان بلدیاتی انتخابات ،آزاد امیدوار آگے، سیاسی جماعتیں پیچھے رہ گئیں آزاد پہلے نمبر پر،تحریک انصاف 9ویں اور ن لیگ کی 11ویں پوزیشن ہے۔ اب تک کے سامنے آنے والے نتائج کے مطابق آزاد امید وار سب سے زیاد ہ کامیاب ہوئے ہیں اور ان کی تعداد ایک ہزار سے زائد ہے۔

بلوچستان کے32اضلاع میں ہونے والے بلدیاتی انتخابات میں موصول شدہ نتائج کے مطابق جے یوئی آئی ضلع کونسل کی 44، میونسپل کمیٹی کی اکتالیس اور میونسپل کارپوریشن کی تیرہ نشستیں حاصل کر چکی ہے.

تیسرے نمبر پربلوچستان کی حکمران جماعت باپ 71 اور میپ 39 نشستوں کے ساتھ چوتھے نمبر پر ہے،پیپلز پارٹی نے 26 ،نیشنل پارٹی 26، بی این پی مینگل18نشتیں حاصل کرسکی۔نتائج آنے کا سلسلہ جاری ہے.

پی ٹی آئی بلوچستان میں نویں نمبر پر آئی ہے جس نے اب تک صرف دس نشستیں حاصل کی ہیں۔ مسلم لیگ ن چھ نشستوں کے ساتھ گیارھویں نمبر پر ہے۔

بلوچستان بلدیاتی انتخابات میں غیر سرکاری غیر حتمی نتیجے کے مطابق میونسپل کمیٹی دکی،وارڈ 4ہزارہ محلہ میں آزاد امیدوار اللّٰہ داد 270 ووٹ لےکر کامیاب ہوئے۔

ضلع مستونگ، یوسی 25 وارڈ5 عمرانی 3 سے آزاد امیدوار عبدالغفور57 ووٹ لے کر کامیاب ہوئے، نوشکی میں یوسی 10 وارڈ1باگک 1،بی اے پی کے پسندخان 102 ووٹ لیکر کامیاب رہے۔

زیارت میں یوسی 10 وارڈ 5 شاہ خوزہ، بی اے پی کے زمان شاہ 162 ووٹ لے کرکامیاب رہے، جبکہ ڈیرہ بگٹی کی یوسی 13 وارڈ 3 تھل پیرکوہ میں جمہوری وطن پارٹی کےرب نواز 192 ووٹ لے کرکامیاب ہوئے، ڈیرہ بگٹی کی یوسی 11،وارڈ 3 تھل پیر کوہ 1 (مشرق) میں آزاد امیدوار محمد بخش 103 ووٹ لیکر کامیاب ہوئے۔

واشک ضلع کی یوسی 11 وارڈ5 گروک میں جے یو آئی(ف) کے باران 154 ووٹ لیکر کامیاب ہوئے، میونسپل کمیٹی ڈھاڈر وارڈ6سادات میں آزاد امیدوار یوسف رند 174 ووٹ لیکر کامیاب رہے۔

میونسپل کمیٹی صحبت پور، وارڈ2ابراہیم بنگلزئی محلہ میں بی اے پی کےفضل الہٰی 141 ووٹ لیکر کامیاب، جبکہ میونسپل کمیٹی خانو زئی کے وارڈ 9سے جے یو آئی(ف) کے خدا داد 36 ووٹ لے کر کامیاب ہوئے۔

ضلع ڈیرہ بگٹی یوسی 10 وارڈ 15تھل پیر کوہ،جے ڈبلیو پی کے عبدالرحمٰن 68 ووٹ لیکرکامیاب ہوئے، صحبت پور، یوسی 8،وارڈ3 دولت خان میں بی اے پی کے زرخان 185 ووٹ لیکر کامیاب رہے۔

واشک کی یوسی13،وارڈ 22مغربی زواگ میں جے یوآئی(ف) کے محمد اسحاق 155 ووٹ لیکرکامیاب رہے۔میونسپل کمیٹی قلعہ سیف اللّٰہ وارڈ 1تحصیل محلہ، پشتونخواہ میپ کے اورنگزیب 243 ووٹ لیکر کامیاب ہوئے۔

میونسپل کمیٹی تسپ کے وارڈ 1سری قلات 1 میں بی اے پی کے انیس احمد189 ووٹ لیکر کامیاب ہوئے، جبکہ میونسپل کمیٹی ڈیرہ مرادجمالی وارڈ 21 میںبی اے پی کی صغرا 61 ووٹ لیکرکامیاب ہوئیں۔

غیر سرکاری غیر حتمی نتائج کے مطابق میونسپل کمیٹی دکی،وارڈ5کلی ملک جان محمد، آزاد امیدوارکلیم اللّٰہ 312 ووٹ لے کر کامیاب، جبکہ میونسپل کمیٹی ڈیرہ بگٹی کے وارڈ11کوہلو بالائی میں جمہوری وطن پارٹی کے امیدوار محمد طارق 515 ووٹ لیکر کامیاب رہے ۔

میونسپل کمیٹی سبی کے وارڈ 23مدرسہ انوارچشتیہ 1 میں ن لیگ کےعلی احمد 83 ووٹ لے کر کامیاب ہوئے،ایم سی قلعہ سیف اللّٰہ کے وارڈ 5پرانا اسپتال محلہ میں پشتونخواہ میپ کےحیات اللّٰہ 133 ووٹ لے کر کامیاب رہے.

ہرنائی کی یوسی 7وارڈ 6 خوست2 میں پشتونخواہ میپ کے عصمت اللّٰہ 173 ووٹ لے کر کامیاب ہوئے۔کیچ کی یوسی 11وارڈ 8 دانوک 1 میں بی اے پی کے محمد یوسف 227 ووٹ لے کر کامیاب رہے ، خضدارکی یوسی 51 کے وارڈ 6 کوریانگ میں بی اے پی کے الہٰی بخش 50 ووٹ لے کر کامیاب ہوئے۔

0Shares

Comments are closed.