تحریک انصاف کا الیکشن کمیشن کے خلاف ملک گیر احتجاج کا اعلان

اسلام آباد(زمینی حقائق ڈاٹ کام) تحریک انصاف کا الیکشن کمیشن کے خلاف ملک گیر احتجاج کا اعلان کیا گیا ہے، تمام دفاتر کے باہر احتجاج کیا جائے گا.

سابق وفاقی وزیر فواد چوہدری نے پارٹی اجلاس کے بعد میڈیا کو بتایا کہ پاکستان تحریک انصاف نے 26 اپریل کو ملک بھر میں الیکشن کمیشن کے دفاتر کے باہر احتجاج کا اعلان کردیاہے۔

اس سے قبل ‏عمران خان کی زیرصدارت تحریک انصاف کی سیاسی کمیٹی کے اجلاس میں الیکشن کمیشن کے معاملات کا جائزہ لیا گیا اجلاس میں اس بات پر تشویش کا اظہار کیا گیا کہ الیکشن کا کردار جانبدارانہ ہے.

فواد چوہدری کا کہنا تھا کہ چیف الیکشن کمشنر نے جانبداری اور بددیانتی کی انتہا کردی ہے، منصوبے کے تحت ابھی تک منحرف اراکین کی اسمبلی سیٹ ختم کرنے کی ڈیکلریشن نہیں کی جارہی۔

انہوں نے اعلان کیا کہ ‏‏تحریک انصاف 26 اپریل بروز منگل پورے ملک میں الیکشن کمیشن کے دفاتر کے سامنے الیکشن کمیشنر کے رویئے کے خلاف احتجاج کرے گی۔

انہوں نے بتایا کہ تحریک انصاف کی تمام ضلعی تنظیموں کو اس سلسلے میں ہدایات جاری کی جارہی ہیں۔

0Shares

Comments are closed.