عمران خان کا وزیراعظم کے عہدہ سے ہٹنے کے بعد پہلا بیان

اسلام آباد(زمینی حقائق ڈاٹ کام) عمران خان کا وزیراعظم کے عہدہ سے ہٹنے کے بعد پہلا بیان سامنے آیا جس میں انھوں نے کہا عوام ہی ملک کی خود مختاری اور جمہوریت کا دفاع کرتے ہیں۔

عمران خان نے سوشل میڈیا پر بیان میں کہا کہ پاکستان 1947ء میں آزاد ملک بنا تھا لیکن آج پھر سے آزادی کی جدوجہد شروع ہو رہی ہے۔

عمران خان کا کہنا ہے کہ حکومت کی تبدیلی کی غیرملکی سازش کے خلاف ہماری جدوجہد کا آغاز ہورہا ہے اور ہمیشہ عوام ہی ملک کی خود مختاری اور جمہوریت کا دفاع کرتے ہیں۔

واضح رہے کہ عمران خان اور تحریک انصاف کا یہ موقف ہے کہ انھیں امریکہ کی مخالفت کی وجہ سے مقامی سیاسی جماعتوں نے اقتدار سے الگ کیا ہے.

0Shares

Comments are closed.