خواجہ سعد رفیق کی فواد چوہدری سے تخلیہ میں ملاقات،شفقت محمود بھی آ ملے

اسلام آباد( زمینی حقائق ڈاٹ کام)خواجہ سعد رفیق کی فواد چوہدری سے تخلیہ میں ملاقات،شفقت محمود بھی آ ملے ،مسلم لیگ ن کے سینئر رہنما نے حکومتی بنچوں پر آ کر ملاقات کی۔

قومی اسمبلی میں تحریک عدم اعتماد پر ووٹنگ کیلئے قومی اسمبلی کا اجلاس صبح ساڑھے 10 بجے شروع ہوا اور آدھا گھنٹہ جاری رہنے کے بعد ساڑھے 12 بجے تک ملتوی کردیا گیا۔

اجلاس کے وقفے کے دوران خواجہ سعد رفیق وفاقی وزرا فواد چوہدری اور شفقت محمود سے گپ شپ کے لیے حکومتی بنچز پر آگئے۔ خواجہ سعد رفیق فواد چوہدری کی نشست پر آئے اور انہیں نشست سے اٹھاکر الگ نشست پر بیٹھ گئے۔

http://

اجلاس کے دوران چوہدری شجاعت حسین کے بیٹے سالک حسین ایک بار پھر اپوزیشن والوں کے ساتھ نظر آئے اور اس دوران بلاول بھٹو بھی چوہدری شجاعت کے بیٹے سالک حسین کا شکریہ ادا کرنے ان کی نشست پر پہنچ گئے۔

سوشل میڈیا پر ایک طرف فواد چوہدری کے حوالے سے تبصرے ہو رہے ہیں تو دوسری جانب ذرائع کے مطابق خواجہ سعد رفیق کے بارے میں بھی اطلاعات ہیں کہ وہ ن لیگ کے نئے فیصلوں کے حوالے سے مطمئن نہیں ہیں۔

0Shares

Comments are closed.