حق خودارادیت کیلئے پاکستان کشمیری بھائیوں کے ساتھ ہے، وزیر اعظم

بیجنگ(ویب ڈیسک)وزیراعظم عمران خان نے کہا کہ حق خودارادیت کیلئے پاکستان کشمیری بھائیوں کے ساتھ ہے، وزیر اعظم کا کہنا ہے کہ کشمیر میں ایک غیرجانبدارانہ استصوابِ رائے کا اہتمام عالمی برادری کے ذمے ہے.

وزیراعظم عمران خان نے یوم یکجہتی کشمیر پر جاری بیان میں کہا کہ عالمی برادری مقبوضہ کشمیر میں بھارتی بربریت کا نوٹس لے، انسانی حقوق کی خلاف ورزی کا سلسلہ ختم نہیں ہو رہا.

عمران خان نے کہا نریندرا مودی کی جبر و تشدد پر مبنی تمام تر فسطائی پالیسیاں بھی مقبوضہ جموں و کشمیر میں اہلِ کشمیر کی مزاحمت کی روح کچلنے میں ناکام رہی ہیں۔

 

مقبوضہ کشمیر میں جنگی جرائم اور نسل کشی جنیوا کنونشن کی خلاف ورزی ہے، وقت آگیا ہے کہ دنیا کو بھارت کے زیرِ تسلط مقبوضہ جموں و کشمیر میں انسانی حقوق کی سنگین پامالیوں کا نوٹس لینا چاہیے.

انھوں نے کہا کہ مقبوضہ کشمیر میں نسل کشی سمیت انسانیت کے خلاف جرائم اور آبادی کے تناسب میں تبدیلی سمیت جنگی جرائم شامل ہیں اور جو جنیوا کنونشن کی صریح خلاف ورزی ہیں۔

عمران خان نے کہا کہ کشمیر میں ایک غیرجانبدارانہ استصوابِ رائے کا اہتمام عالمی برادری کے ذمے ہے، اقوامِ عالم پر لازم ہے کہ مقبوضہ جموں و کشمیر کے لوگوں کی حالتِ زار کو نظر انداز نہ کرے.

ان کا کہنا ہے کہ اقوام عالم کو ہندوستانی ریاست کے ظالمانہ عسکری قبضے سے آزادی و نجات کی ان کی ناقابلِ اعتراض و انکار خواہش کا احساس کرنا چاہیے۔

واضح رہے کہ آج پاکستان سمیت دنیا بھر میں آج یوم یکجہتی کشمیر منایا جا رہا ہے آزادکشمیر اور پاکستان میں یوم یکجہتی کے حوالے سے سے تقریبات اور ریلیاں نکالی جارہی ہیں.

0Shares

Comments are closed.