مری میں اموات برفباری نہیں حکومتی غفلت سے ہوئیں، مریم نواز

فوٹو: فائل

اسلام آباد( زمینی حقائق ڈاٹ کام)مسلم لیگ ن کی نائب صدر مریم نواز نے مری میں سڑکوں پر پھنس کر جاں بحق ہونے کے واقعہ کو حکومت کی نااہلی اور مردہ ضمیر ہونا قرار دیاہے۔

مسلم لیگ ن کی نائب صدر نے سوشل میڈیا پر بیان میں کہا کہ مری میں بے یارو مددگار برف میں دھنسے رہنے والے پورے کے پورے خاندانوں کی موت کے دردناک واقعے نے دل ہلا کے رکھ دیا ہے۔

http://

حکومتوں کا کام صرف سیاح گننا نہیں بلکہ ان کے لیے پیشگی انتظامات اور حفاظتی اقدامات کرنا ہے۔ شہباز شریف کے بوٹوں اور خدمت کا مذاق اُڑانے والا اپنے محل میں بیٹھا اپنی گرتی ہوئی حکومت بچانے کی کوششوں میں مصروف ہے۔ یہ اموات برفباری سے نہیں، حکومتی غفلت سے ہوئی ہیں۔

— Maryam Nawaz Sharif (@MaryamNSharif) January 8, 2022

مریم نواز نے کہا ان واقعات پر حکومت کو کوسنے کا کوئی فائدہ نہیں کیونکہ یہ مردہ ضمیر حکومت بہت پہلے مر چکی ہے، اللہ تعالی مرحومین اور ان کے لواحقین اور پاکستان پر اپناخصوصی رحم فرمائے۔

لیگی رہنما کا کہنا تھا کہ حکومتوں کا کام صرف سیاح گننا نہیں ان کی حفاظت کرنا ہوتاہے، مریم نواز نے کہا پیشگی انتظامات اور حفاظتی اقدامات کرنا ہوتے ہیں۔

انھوں نے کہاکہ مری میں اموات برفباری نہیں حکومتی غفلت سے ہوئیں، مریم نواز نے کہا شہباز شریف کے بوٹوں اور خدمت کا مذاق اُڑانے والا اپنے محل میں بیٹھا اپنی گرتی ہوئی حکومت بچانے کی کوششوں میں مصروف ہے۔

http://

مری میں بے یارو مددگار برف میں دھنسے رہنے والے پورے کے پورے خاندانوں کی موت کے دردناک واقعہ نے دل ہلا کے رکھ دیا ہے۔حکومت کو کوسنے کا کوئی فائدہ نہیں کیونکہ یہ مردہ ضمیر حکومت بہت پہلے مر چکی ہے۔ اللّہ تعالی مرحومین اور انکے لواحقین اور پاکستان پر اپناخصوصی رحم فرمائے۔ آمین 🤲🏼😢

— Maryam Nawaz Sharif (@MaryamNSharif) January 8, 2022

مریم نواز نے وزیراعظم عمران خان کو ٹیگ کرتے ہوئے پوچھا کہ تھوڑا سا بھی احساس ہے عوام کا یا رحم سے بالکل دل عاری ہے؟ اللّہ سے ڈر نہیں لگتا؟