ریحام خان کوجھوٹ بولنے پر50ہزار پاونڈ جرمانہ، زلفی سے معافی مانگ لی

اسلام آباد(زمینی حقائق ڈاٹ کام) عمران خان کی سابق اہلیہ ریحام خان کوجھوٹ بولنے پر 50ہزار پاونڈز ہرجانہ دینا پڑ گیا،ریحام خان نے اپنے جھوٹ پر ذلفی بخاری سے معافی بھی مانگ لی۔

وزیراعظم عمران خان کے سابق معاون خصوصی ذلفی بخاری نے لندن ہائیکورٹ میں سابق اہلیہ اور براڈ کاسٹر ریحام خان کے خلاف ہتک عزت کا مقدمہ جیت لیا ہے۔

ذلفی بخاری کے ہتک عزت دعوے پرلندن ہائیکورٹ کے فیصلے کے بعد ریحام خان نے ذلفی بخاری کو مقدمے کے اخراجات اور ہرجانہ ادا کرنے پر رضامندی ظاہر کر دی ہے، ریحام خان 50 ہزار پاؤنڈ بطور ہرجانہ ادا کرے گی۔

http://

Zulfi Bukhari – An apology https://t.co/zsNqEoINFF pic.twitter.com/GVjvynbKJ3

— Reham Khan (@RehamKhan1) October 14, 2021

جس سوشل میڈیا سے ذلفی بخاری کے خلاف جھوٹا پراپیگنڈا کیا گیا تھا اسی پراپنے ویڈیو میں ریحام خان نے سابق معاون خصوصی ذلفی بخاری سے ہتک آمیز الزامات پر معافی بھی مانگ لی ہے۔

واضح رہے کہ 6 اور 7 دسمبر 2019 کو ریحام خان نے یو ٹیوب براڈ کاسٹ میں الزام لگایا تھا کہ روزویلٹ ہوٹل کی فروخت میں ذلفی بخاری کا مفاد ہے۔

وزیراعظم کے سابق معاون خصوصی ذلفی بخاری نے روزویلٹ ہوٹل سے متعلق ریحام خان کی طرف سے الزامات عائد کرنے پر برطانوی عدالت سے رجوع کیا تھا اور پہلے راونڈ بھی ان کے حق میں آیا تھا۔