اٹلی ہائی کمیشن سے ایک ہزار ویزہ سٹکر چوری، کھلبلی مچ گئی

2 0
Read Time:1 Minute, 31 Second

اسلام آباد(شکیل تنولی) اسلام آباد میں قائم اٹلی ہائی کمیشن کے ویزہ سیکشن سے 1000 شینجن ویزہ اسٹکرز چوری کر لئیے گئے ہیں اٹالین حکام سے وفاقی تحقیقاتی ادارے سے رجوع کر لیا.

ذرائع کے مطابق یہ اپنی نوعیت کی منفرد چوری اور دنیا میں کسی بھی سفارتخانہ سے ویزہ اسٹکرز چوری ہونے کی سب سے بڑی چوری کی واردات بتائی جاتی ہےجس کے بعد سفارتی حلقوں میں کھلبلی مچ گئی ہے .

سٹکر کا نمونہ (فائل فوٹو)

یہ شینجن ویزہ اسٹکرز‏اٹالین ایمبیسی کے ویزہ لاکرز میں رکھے ہوئے تھے جو چوری کرلئے گئے ہیں ،اٹلی کے ہائی کمشنر انڈریس فراریز(Andreas Ferrarese) نے پاکستان فارن آفس‬⁩ اور ⁦‪وفاقی تحقیقاتی ادارے ایف آئی اے کو تحقیقات لیے خط لکھ دیا ہے.

ذرائع کے مطابق ‏چوری ہونے والے 750شینجن ویزہ اسٹکرز سیریل نمبرز ITA041913251 تا ITA041914000‏جبکہ 250 ویزہ سٹکرز کا سیریل نمبر ITA041915751 تا ITA041916000 بتائے گئے ہیں.

‏ اٹلی ہائی کمیشن نے ⁦‪وفاقی تحقیقاتی ادارے اور ⁦‪فارن آفس‬⁩ سے استدعا کی ہے کہ ملک بھر کے تمام ائیرپورٹس پر ان سیریل نمبرز کے حامل پاسپورٹس پر سفر کرنے والوں کو گرفتار کیا جائے.

اٹلی ہائی کمیشن کی درخواست پر وزارت خارجہ کی کارروائی

خط میں یہ بھی کہا گیا ہے کہ پکڑے جانے والوں سے متعلق ایمبیسی کو مطلع کیا جائے تاکہ غیر قانونی ویزہ پر سفر کرنے والوں کے خلاف قانونی چارہ جوئی کی جا سکے.

شینجن ویزہ حاصل کرنے پر یورپ کے 20 سے زیادہ ممالک میں داخل ہونے کی اجازت ہے،ویزہ ایجنٹ شینجن ویزہ 12 سے 15 لاکھ میں بیچتے ہیں، ملکی ائیرپورٹس پر باضابطہ چیکنگ سے ملزمان کی گرفتاری ممکن ہے.

واضح رھے کہ ملک میں بیروزگاری سے تنگ بعض افراد اچھے مستقبل کیلئے روزگار حاصل کرنے کیلئے جعلی ویزوں پر یورپی ممالک کا رخ کرتے ھیں جن کو ویزہ مافیا لاکھوں روپے لیکر بیرون ممالک بھیجواتےہیں.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
0Shares

Comments are closed.

Translate »