فرانسیسی مسلمان فٹ بالر رونالڈو کے نقش قدم پر، بیئر کی بوتل ہٹا دی


میونخ: فرانس کے مسلمان فٹ بالر پال پوگیا نے بھی شہرہ آفاق کھلاڑی رونالڈو کی تقلید کرتے ہوئے پریس کانفرنس کے دوران اپنے سامنے رکھی بیئر کی بوتل ہٹادی۔

عالمی شہرت یافتہ مسلم فٹبالر پال پوگبا نے یہ قدم رونالڈو کی جانب سے میڈیا سے بات چیت کے دوران سافٹ ڈرنک کی بوتل ہٹانے کے اگلے روز اٹھایا ہے جس کے بعد ایک نئے ٹرینڈ کی شروعات کا امکان پیدا ہو گیاہے۔

پال پوگا جرمنی کے خلاف میچ کا بہترین کھلاڑی قرار پانے کے بعد میڈیا کے سامنے آتے ہی سب سے پہلے انھوں نے سامنے سے بیئر کی بوتل ہٹادی، وہ ایک باعمل مسلمان ہیں۔

ان سے قبل کرسٹیانو رونالڈو نے گزشتہ روز ہونے والی پریس کانفرنس میں یورو 2020 کے اسپانسرڈ مشروب کوکاکولا کی دوبوتلوں کو سائڈ پر رکھتے ہوئے پانی کی بوتل اٹھا کر کہا ایگوا ( پانی)یہ ویڈیو سوشل میڈیا پر بہت وائرل ہوئی۔

میڈیا رپورٹس کے مطابق30 منٹ کی اس پریس کانفرنس میں رونالڈو کی جانب سے سافٹ ڈرنک کے بجائے پانی کو فرغ دینے کے بعد کوکا کولا کے شیئر کی قیمت 56 ڈالر 10 سینٹ سے کم ہوکر 55 ڈالر 22 سینٹ پر پہنچ گئی۔

رونالڈو کی طرف سے کو کا کولا کی بوتل ہٹانے سے بائیکاٹ کا تاثر ملنے کے نتیجے میں کوکاکولا کو 4 ارب ڈالر کا نقصان اٹھانا پڑا اور اس بین الاقوامی مشروب ساز کمپنی کی مالیت 242 ارب ڈالر سے کم ہوکر 238 ارب ڈالر ہوگئی۔

0Shares

Comments are closed.