اینکر مبشر لقمان کو تھپڑ پر فواد چوہدری کا ویڈیو بیان

فوٹو : فائل ،ویڈیو ٹوئٹر فواد چوہدری

اسلام آباد(زمینی حقائق ڈاٹ کام) وفاقی وزیر سائنس اینڈ ٹیکنالوجی فواد چوہدری نے سمیع ابراہیم کے بعد ایک اور اینکر پرسن مبشر لقمان کو تھپڑ مار دیے۔

فواد چوہدری نے ٹوئٹر پر ایک ٹی وی پروگرام میں لڑائی کے حوالے سے اپنا موقف پیش کر رہے ہیں جس میں وہ کہتے ہیں دو طرفہ مار پیٹ ہوئی ہے.

مبشر لقمان کو تھپڑ مارنے کا واقعہ لاہور میں صوبائی وزیر محسن لغاری کے بیٹے کی دعوت ولیمہ کی تقریب میں پیش آیا جہاں دونوں شادی کی تقریب میں موجود تھے.

جھگڑے سے پہلے کا منظر

فواد چوہدری نے معروف اینکر پرسن مبشر لقمان کو اس وقت تھپڑ جڑ دئیے جب یوٹیوب پر فواد چوہدری کے حوالے سے ایک مبینہ ویڈیو کا معاملہ دونوں کے درمیان زیر بحث تھا۔

میڈیا رپورٹس کے مطابق شادی کی تقریب میں فواد چوہدری نے اینکر پرسن کو کہا ویڈیو مجھے بھی دکھاو جس پر اینکر پرسن نے ویڈیو دکھانے کے معاملے سے لاعلمی کا اظہار کیا.

ویڈیو سے متعلق لاعلمی کا سن کر فواد چوہدری غصے میں آ گئے اور اینکر پرسن مبشر لقمان کو تین چار تھپڑ رسید کر دئیے۔

تھپڑ مارنے کے واقعہ کےبعد سماجی رابطے کی ویب سائٹ پر واقع کی تصدیق کرتے ہوئے فواد چوہدری نے ٹوئٹ کردی۔

بعد ازاں سماجی رابطے کی ویب سائٹ پر واقع کی تصدیق کرتے ہوئے فواد چوہدری نے ٹوئٹ میں کہا کہ مبشر لقمان کا صحافت سے کوئی تعلق نہیں ہے.

Leave A Reply

Your email address will not be published.