فوٹو : فائل
ریاض (زمینی حقائق ڈاٹ کام)سعودی عرب میں پاکستان کے سفیر راجہ علی اعجاز نے کہا ہے شاہ سلمان دور حکومت کے دوران سعودی عرب اور پاکستان کے مابین تعلقات نے نئی بلندیاں دیکھی ہیں.
شاہ سلمان بن عبد العزیز کے بادشاہت کی 5 ویں سالگرہ کے موقع پر سفیر پاکستان راجہ علی اعجاز نے خصوصی پیغام میں کہا اسلامی جمہوریہ پاکستان کے عوام اور حکومت کی جانب سے ،خادم حرمین شریفین ، شاہ سلمان بن عبد العزیز کو ان کے بادشاہت کی 5 ویں سالگرہ پر مبارکباد پیش کرتا ہوں۔
پاکستانی سفیر نے کہا ان کی لمبی زندگی اور صحت کے لئے دعا گو ہوں۔ میں دعا کرتا ہوں کہ وہ سعودی عرب کی سلطنت کی ترقی میں اپنا کردار متحرک ادا کرتے رہیں۔
جب سے شاہ سلمان نے سلطنت کی باگ ڈور سنبھالی ، اس مملکت نے تمام شعبوں میں ترقی کی ہے اور مختلف معاشی ، تعلیم ، صحت ، معاشرتی ، نقل و حمل ، مواصلات ، صنعتی ، بجلی ، پانی اور زرعی شعبوں میں میگا ترقیاتی منصوبوں کا آغاز ہوا ہے۔
پاکستان اور سعودی عرب کے مابین برادرانہ تعلقات ہیں۔ شاہ سلمان دور حکومت کے دوران سعودی عرب اور پاکستان کے مابین تعلقات نے نئی بلندیاں دیکھی ہیں اور ہمارے معاشی ، دفاعی اور ثقافتی تعلقات میں اضافہ ہوا ہے۔
میں دعا کرتا ہوں کہ آنے والے سالوں میں ہمارے برادرانہ تعلقات مزید وسیع اور گہرے ہوتے رہیں، ہم دونوں ممالک کے درمیان تعلقات کے فروغ کیلئے کوشاں ہیں ۔
Comments are closed.