اپنے فینز کو بہت جلد سرپرائز دوں گی،کنزیٰ ہاشمی

فائل:فوٹو
لاہور:پاکستان کی نامور خوبرو اداکارہ کنزیٰ ہاشمی نے کہا ہے کہ کئی ڈراموں میں کام کر رہی ہوں، اپنے فینز کو بہت جلد سرپرائز دوں گی، فلم انڈسٹری کا سنہرا دور واپس آنے میں وقت لگے گا۔

اپنے ایک انٹرویو کے دوران اداکارہ کا کہنا ہے کہ ٹی وی ڈراموں کی مصروفیات نے ہم جیسے فنکاروں کو فلموں سے دور کیا ہوا ہے۔

انہوں نے کہا کہ کئی ڈراموں میں کام کر رہی ہوں، اپنے فینز کو بہت جلد سرپرائز دوں گی، اب شوبز انڈسٹری کو جو نقصان ہوچکا ہے اسکا ازالہ ہونا بہت مشکل نظر آ رہا ہے، کئی ڈرامہ پروڈیوسرز دیوالیہ ہوگئے ہیں، بہت سے فنکار سفید پوشی کی خاطر خاموش ہیں۔

کنزیٰ ہاشمی کا کہنا تھا کہ پاکستان ہی نہیں بیرون ممالک سے بھی کام کی آفرز ہو رہی ہیں، ذاتی طور پر اپنے ملک کی پروڈکشنز کو ترجیح دینا چاہتی ہوں۔

اداکارہ نے مزید کہا کہ کم کام کر کے معیار برقرار رکھنا فنکار کے اپنے اوپر ہوتا ہے، بطور فنکارہ جاندار سکرپٹس اور کردار میری ترجیح ہوتے ہیں۔