بریسٹ کینسر میں مبتلا ہوں لیکن میری مسکراہٹ برقرار ہے، نادیہ جمیل

31
0 0
Read Time:1 Minute, 30 Second

فوٹو : فائل

اسلام آباد(زمینی حقائق ڈاٹ کام)اشفاق احمد کے افسانوں سے ماخوذ ڈراموں سے شہرت کی بلندیوں تک جانے والی منفرد لہجے کی اداکارہ نادیہ جمیل بریسٹ کینسر(چھاتی کے سرطان) میں مبتلا ہو گئی ہیں.

نادیہ جمیل نے یہ انکشاف اپنے ٹوئٹر پرکرتے ہوئے کہا ہےکہ وہ بریسٹ کینسر (چھاتی کے سرطان) کا شکار ہوگئیں ہیں اور ان کا علاج جاری ہے۔

نادیہ جمیل نے بتایا کہ گزشتہ ہفتے مجھ میں کینسر کی تشخیص ہوئی ہے اور اس دوران چار روز میں دو بار علاج کے لیے جاچکی ہیں ۔

اپنی کیفیت بیان کرتے اداکارہ نے لکھا کہ پچھلے کچھ دنوں سے وہ اداسی، خوف ، محبت، سکون، قبولیت، صبر، شکر جیسے احساسات سے دوچار ہیں جب کہ اس دوران انہیں اپنے بچوں، والدین، اپنے پیاروں اور خود کے لیے ذمہ داری کا احساس بھی ہوا۔

نادیہ جمیل نے بتایا کہ  انھیں بریسٹ کینسر کی پہلی اسٹیج ہے اور ٹیومر کا تیسرا گریڈ، خواتین کے لیے باقاعدگی سے خود کی جانچ کروانا ضروری ہے.

انھوں نے خواتین کو مشورہ دیا کہ اگر آپ کو اپنے اندر کوئی بھی غیر معمولی کیفیت محسوس ہوتی ہے تو فوری چیک کروائیں، میں اپنی سرجری کی تاریخ کا انتظار کررہی ہوں اور کافی مثبت ہوں، آپ بھی پریشان نہ ہوں اور اپنا بہت خیال رکھیں.

نادیہ جمیل نے اپنی چند تصاویر بھی شیئر کی ہیں اور  لکھا ہے کہ کینسر نے میری مسکراہٹ نہیں چھینی، شکر ادا کرنے سے، آپ کے پیار سے اور دعاؤں سے مدد ملتی ہے۔

اداکارہ نادیہ جمیل نے بتایا کہ ان کی سرجری کل ہوگی اور انہوں نے مداحوں سے اپنے لیے دعائیں کرنے کی درخواست کی ہے،اداکارہ نادیہ جمیل اداکاری کے ساتھ ساتھ فلاحی کاموں میں بھی فعال رہی ہیں۔

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %
Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »
en_USEnglish