دنیا بھر میں آج نفرت انگیز تقاریر کی روک تھام کا عالمی دن منایا جا رہا ہے

فائل:فوٹو
اسلام آباد:پاکستان سمیت دنیا بھر میں آج نفرت انگیز تقاریر کی روک تھام کا عالمی دن منایا جا رہا ہے۔ اس دن کا مقصد دنیا بھر میں نفرت انگیز تقاریر کے بڑھتے ہوئے پھیلاوٴ پر عالمی تشویش کو اجاگر کرنا ہے۔
اقوام متحدہ کے مطابق، نفرت انگیز تقریر یا تحریر وہ ہے جو مذہب، قومیت، نسل، رنگ، جنس، یا کسی دوسرے شناختی عنصر کی بنیاد پر کسی فرد یا گروہ کو نشانہ بناتی یا اس کے ساتھ امتیازی سلوک کرتی ہے۔
یہ دن اس بات پر زور دیتا ہے کہ ایسے بیانات اور تحریریں معاشرتی ہم آہنگی کے لیے خطرہ ہیں اور ان کے خلاف عالمی سطح پر اقدامات کی ضرورت ہے۔