دستک فاؤنڈیشن پاکستان کو نیلسن منڈیلا -گراسا میشل انوویشن ایوارڈ دیا گیا

دستک فاؤنڈیشن پاکستان کو نیلسن منڈیلا -گراسا میشل انوویشن ایوارڈ دیا گیا

سال 2022 کے تباہ کن سیلاب کے بعد دستک فاؤنڈیشن نے ایک منفرد ماڈل متعارف کرایا جو روایتی استحصالی طریقہ کار کو مسترد کرتا ہے اور پاکستان سمیت گلوبل ساؤتھ کے مقامی کارکنوں کے علم اور تجربات کو پیش نظر رکھتا ہے۔

دستک فاؤنڈیشن کی بانی اور ایگزیکٹو ڈائریکٹر حرا امجد نے کہا "یہ ایوارڈ دراصل دیکھ بھال، اجتماعیت اور عوامی علم کی طاقت کو تسلیم کرتا ہے جو ہمارے کام کی بنیاد ہے۔

یہ ثابت کرتا ہے کہ” ڈیکولونائزڈ، جینڈر رسپانسو کلائمیٹ ایکشن” نہ صرف ضروری بلکہ انتہائی مؤثر ہے۔ یہ اعزاز صرف ہمارا نہیں بلکہ ہر اس فرد کا ہے جو محبت اور دیکھ بھال کے ساتھ آزادی کے لیے جدوجہد کر رہا ہے۔”

یہ ایوارڈ حاصل کرنے کے بعد دستک فاؤنڈیشن اب ان عالمی اداروں کی صف میں شامل ہو گئی ہے جو کلائمیٹ جسٹس کے لیے نئے تصورات پیش کر رہے ہیں۔

نیلسن منڈیلا-گراسا میشل انوویشن ایوارڈز اپنی 20ویں سالگرہ منا رہے ہیں۔ سویکس (CIVICUS) کی جانب سے یہ اعزاز ان منفرد تخلیقات کے حامل افراد کو دیا جاتا ہے جو محدود وسائل کے باوجود انصاف اور انسانی حقوق کے لیے نئے راستے تلاش کرتے ہیں۔ اس ایوارڈ کا مقصد ان کی کوششوں کو عالمی سطح پر نمایاں کرنا ہے۔