تحریک انصاف کا اسلام آباد میں بڑا جلسہ، لاکھوں افراد شریک ہوئے

فوٹو: سوشل میڈیا

اسلام آباد(زمینی حقائق ڈاٹ کام)تحریک انصاف کا اسلام آباد میں بڑا جلسہ، لاکھوں افراد شریک ہوئے، تحریک انصاف جلسہ کا پنڈال میں خواتین کی بڑی تعداد شریک تھی ،38کنٹینرز سے مرکزی اسٹیج تیار کیا گیا ، قافلے کراچی ، سندھ، پنجاب اور خیبر پختونخوا کے مختلف شہروں سے ہزاروں گاڑیوں کے ساتھ وفاقی دارالحکومت پہنچے۔

وزیراعظم عمران خان کی کال پر وفاقی دارالحکومت اسلام آباد کے پریڈ گراونڈ میں پاکستان تحریک انصاف کے جلسے کیلئے تیاریاں کر رکھی تھیں ،مرکزی اسٹیج کے علاوہ سینئر لیڈرشپ کیلئے بھی خصوصی کنٹینر لگایا گیا۔

http://

جلسہ گاہ میں خواتین کیلئے خصوصی انکلوژر تیار کیے گیے  جہاں ہزاروں کرسیاں الگ سے لگا ئی گئیں جبکہ خواتین انکلوژرکوحفاظتی شیٹس اورخاردارتار لگا کرالگ کیا گیا۔

http://

جلسہ گاہ میں مرد شرکا کیلئے 50ہزار سے زائد کرسیاں لگائی گئی تھیں جب کہ نوجوانوں کیلئے ہدایات تھیں کہ وہ کرسیوں پر نہ بیٹھیں اور وہ کھڑے ہو کر وزیراعظم سمیت دیگر مقررین کو سنیں۔

پریڈ گراونڈ میں روشنی اور بجلی کے انتظام کیلئے جنریٹرز لگانے گئے تھے ،اس کے علاوہ جلسے کی تیاریوں کی نگرانی کیلئے وزیر اطلاعات فواد چوہدری نے رات گئے انتظامات کا جائزہ لیا جب کہ پی ٹی آئی رہنماوں کی بھی آمد کا سلسلہ جاری رہا ۔

http://

انتظامات اور مختلف شہروں سے آنے والے افراد کی تعداد کے دیکھ کر اندازہ لگایا جاسکتا تھا کہ یہ وفاقی دارالحکومت کی تاریخ کا سب سے بڑا جلسہ ہوگا،گلگت بلتستان سے وزیر اعلیٰ کی قیادت میں قافلے رات ہی پہنچ گئے تھے۔

پشاور سے پرویز خٹک، فیصل آباد سے فرخ حبیب، لاہور سے حماد اظہر،کراچی سے اسد عمر،علی زیدی اور خرم شیر زمان کی قیادت میں قافلے پہنچیں گے، تحریک انصاف کے کارکن پارٹی ترانوں کے ساتھ ایک جشن کی صورت میں اسلام آباد پہنچے ۔

0Shares

Comments are closed.