وزیراعظم نے اسلام آباد میں کرکٹ سٹیڈیم تعمیر کرنے کی منظوری دیدی

فوٹو: فائل

اسلام آباد( زمینی حقائق ڈاٹ کام)وزیراعظم نے اسلام آباد میں کرکٹ سٹیڈیم تعمیر کرنے کی منظوری دیدی اور چیئرمین پی سی بی سے کہا ہے کہ سٹیڈیم جلد از جلد تعمیر کیا جائے۔

پاکستان کرکٹ بورڈ کے چیئرمین رمیض حسن راجہ نے وزیراعظم عمران خان سے ملاقات کی ہے جس میں اسلام آبادمیں کرکٹ اسٹیڈیم کی تعمیر کی اصولی منظوری دے دی۔

وزیراعظم آفس سے ٹوئٹر پر جاری بیان میں کہا گیاہے کہ وزیراعظم عمران خان سے چیئرمین پی سی بی رمیز راجہ نے ملاقات کی جس میں پی ایس ایل 2022 کے سیزن اور کرکٹ کے مجموعی ڈھانچے پر تبادلہ خیال کیا گیا۔

وزیراعظم عمران خان نے اسلام آباد میں کرکٹ اسٹیڈیم کی تعمیر کی اصولی منظوری دی اور چئیرمین پی سی بی کو ہدایت کی کہ اسٹیڈیم کی تعمیر جلد از جلد مکمل کرنے کے لیے تمام وسائل بروئے کار لائے جائیں۔

اس موقع پرچیئرمین پی سی بی رمیز راجا نے وزیر اعظم کو اسٹیڈیم کی تعمیر 2025 تک مکمل کرنے کی یقین دہانی کرائی اور بتایا کہ کرکٹ سٹیڈیمز کی تعمیرات پی سی بی کی حکمت عملی میں شامل ہیں۔

http://

واضح رہے اس سے قبل بھی اسلام آباد میں سٹیڈیم تعمیر کرنے کی منظوری دی گئی تھی اور شکرپڑیاں کے قریب ایک جگہ کا انتخاب بھی کیا گیا تھا تاہم بعد میں اس فیصلے پر عمل نہیں ہو سکا۔

0Shares

Comments are closed.