شعیب ملک نے برے وقت میں مڑ کو پوچھا تک نہیں، عمران نذیر

فوٹو: ٹویٹر یحییٰ حسینی

اسلام آباد(سپورٹس ڈیسک)اوپننگ میں باولرز پر ٹوٹ پڑنے والے جارح مزاج اوپنر عمران نذیر نے گلہ کیا ہے کہ شعیب ملک ایسا دوست ہے جس نے برے وقت میں مجھے پوچھا تک نہیں ہے۔

عمران نذیر جیونیوز کے پروگرام میں گفتگو کررہے تھا، بات چیت کے دوران عمران نذیر نے یادیں تازہ کیں اور خاص کر بھارت کے خلاف میچ میں ہوش اور جوش کاتذکرہ بھی کیا اور مصباح الحق کے غلط شارٹ پر ہار جانے کو بھی یاد کیا۔

جوہانسبرگ میں 2007ء میں پہلے آئی سی سی ورلڈ ٹی 20میں مصباح الحق کے غلط شارٹ کی وجہ سے ہم فائنل ہارے۔@realimrannazir4 pic.twitter.com/YUwyncI1E0

— Syed Yahya Hussaini (@SYahyaHussaini) November 15, 2019

عمران نذیر نے بتایاکہ اس میں کوئی شک نہیں کہ میں نے شعیب ملک کے ساتھ بڑا اچھا وقت گزارا لیکن افسوس کے ساتھ کہہ رہا ہوں کہ جب مجھ پر برا وقت آیا تو شعیب ملک نے مجھے مڑ کر بھی نہیں پوچھا کہ میں کس حال میں ہوں۔

عمران نذیر کا کہنا تھا کہ بیماری کا علاج کراتے میری ساری جمع پونجی علاج پر خرچ ہو گئی لیکن اس برے وقت میں ٹیسٹ آل راوٴنڈر عبدالرزاق، رانا نوید الحسن اور شاہد ا?فریدی نے ان کا بہت ساتھ دیا۔

یاد رہے عمران نذیر نے بیماری سے نجات پانے کے بعدساڑھے چار برس بعد کرکٹ میں واپسی کی اور وہ پھر پہلے کی طرح کارکردگی دکھانے کے خواہش مند ہیں،عمران نذیر نے بتایا کہ لاہور قلندرز نے انہیں ماہانہ معاوضہ دینے کا بھی اعلان کیا ہے۔

عمران نذیر نے کہا کہ عبدالرزاق نے میری کافی مالی مدد کی اور کبھی نہیں پوچھا کہ وہ پیسے کب واپس کریں گے جب کہ شاہد آفریدی نے بھی بیماری میں ان کے لیے جو کیا اس کے لیے وہ ان کے بے حد مشکور ہیں۔

انھوں نے کہا کہ کھلاڑی کے کیرئیر میں اتار چڑھاوٴ آتے ہیں اور اس عرصے میں اس کے بہترین دوست ہی اس کا سہارا بنتے ہیں، خاص کر جب آپ پر مشکل دور گزرا ہو تو یہ انسان کبھی نہیں بھول سکتا۔