بابراعظم، محمد رضوان اور شاہین شاہ نئی آئی سی سی رینکنگ میں کہاں ہیں؟

دبئی: بابراعظم ٹیسٹ و ٹی ٹوئنٹی میں تیسرے درجے پر، ونڈے میں نمبرون کی پوزیشن پر برقرار ہیں، ٹی ٹوئنٹی میں بابراعظم سے پہلی پوزیشن چھیننے والے محمد رضوان بدستورعالمی نمبر ون بیٹر ہی ہیں۔

آئی سی سی تینوں طرز کی کرکٹ کی رینکنگ جاری کردی ہے، بابراعظم، محمد رضوان اور شاہین شاہ نئی آئی سی سی رینکنگ میں کہاں ہیں؟ رینکنگ کے مطابق ٹیسٹ پلئیرز رینکنگ میں قومی ٹیم کے کپتان بابر اعظم تیسرے نمبر پر موجود ہیں۔

ٹیسٹ بیٹرز میں انگلینڈ کے جوروٹ کا پہلا نمبر برقرار ہے۔ آسٹریلیا کے مارنوس لابو شین دوسرے اور پاکستان کے بابر اعظم کا تیسرے نمبر پر ہیں۔

آسٹریلیا کے اسٹیو اسمتھ چوتھے جبکہ بھارت کے ریشبھ پنٹ پانچویں نمبر پر ہیں۔ پاکستان کے محمد رضوان کے 1 درجے ترقی کے بعد 16 ویں اور عبداللہ شفیق 20 ویں نمبر پر آگئے ہیں۔

ٹیسٹ بولرز کی رینکنگ میں آسٹریلیا کے پیٹ کمنز کا پہلا نمبر، بھارت کے روی چندرن ایشون کا دوسرا نمبر جب کہ پاکستان کے شاہین شاہ آفریدی تیسرے نمبر پر موجود ہیں۔

ٹیسٹ آل راؤنڈرز میں رویندرا جڈیجا کا پہلا نمبر برقرار ہے۔ٹی 20 بیٹرز میں پاکستان کے محمد رضوان کی پہلی پوزیشن برقرار ہے۔

جنوبی افریقا کے ایڈن مارکرم رینکنگ میں دوسرے نمبر پر آگئے ہیں۔ پاکستان کے بابر اعظم کا رینکنگ میں تیسرا نمبر ہے اور ان کے رینکنگ پوائنٹس مزید کم ہوئے ہیں۔

بھارت کے سوریا کمار یادیو کا رینکنگ میں چوتھا نمبر ہے جبکہ فخر زمان 4 درجے تنزلی کے بعد 55 ویں نمبر پر چلے گئے ہیں۔ ٹی 20 آل راؤنڈر میں شکیب الحسن پہلے نمبر جبکہ افغانستان کے محمد نبی کا دوسرا نمبر ہے۔

اسی طرح ٹی 20 بولرز میں آسٹریلیا کے جوش ہیزل ووڈ پہلے نمبر پر برقرار ہیں۔ جنوبی افریقا کے تبریز شمسی کا دوسرا اور انگلینڈ کے عادل رشید کا تیسرا نمبر ہے۔

سری لنکا کے ہسارنگا 1 درجے ترقی کے بعد چھٹے نمبر پر آگئے ہیں،شاداب خان 14 ویں اور۔شاہین آفریدی 17 ویں نمبر پر ہیں۔

ایک روزہ میچز کے بیٹرز میں پاکستان کے بابر اعظم کی پہلی پوزیشن برقرار ہے۔جنوبی افریقا کے رسی وین ڈر ڈوسن دوسرے اور کوئنٹن ڈی کوک تیسرے نمبر پر موجود ہیں۔ پاکستان کے امام الحق کا رینکنگ میں چوتھا نمبر ہے۔

ون ڈے بولرز میں نیوزی لینڈ کے ٹرینٹ بولٹ کا پہلا نمبر برقرار ہے۔ آسٹریلیا کے جوش ہیزل ووڈ دوسرے اور افغانستان کے مجیب الرحمان تیسرے نمبر پر موجود ہیں، بھارت کے جسپریت بھمرا کا چوتھا اور پاکستان کے شاہین آفریدی کا پانچواں نمبر ہے۔

ایک روزہ میچز کےآل راؤنڈر میں بنگلہ دیش کے شکیب الحسن کا پہلا نمبر برقرار ہے جب کہ سری لنکا کے آل راؤنڈر ونندو ہسارنگا 4 درجے ترقی کے بعد چوتھے نمبر پر آگئے ہیں۔