فوٹو : سوشل میڈیا
فیصل آباد : فیصل آباد کی کیمیکل فیکٹری میں دھماکہ، 15 افراد جاں بحق ہونے کی تصدیق کی گئی ہے، کمشنر فیصل آباد راجہ جہانگیر انور کے مطابق دھماکہ گیس پائپ لائن پھٹنے سے ہوا ہے.
یہ کیمیکل فیکٹری فیصل آباد کے علاقے ملک پور میں ہے حادثے میں زخمی ہونے والے 7 افراد کو اسپتال منتقل کیا گیا ہے جبکہ جائے حآدثہ 14 لاشیں نکالی گئی ہیں.
کمشنر فیصل آباد نے بتایا ہے کہ ابتدائی اطلاعات کے مطابق فیکٹری میں دھماکہ گیس پائپ لائن پھٹنے سے ہوا، زیادہ جانی نقصان فیکٹری سے ملحقہ گھروں کے رہاشیوں کا ہوا ملک پور میں واقع فیکٹری میں ہونے والا دھماکہ اس قدر شدید تھا کہ فیکٹری زمین بوس ہوگئی.
عمارت میں آگ لگ گئی جب کہ ملحقہ مکانوں کی چھتیں گر گئیں،دوسری طرف
ریسکیو حکام کا کہنا ہے کہ واقعے کی اطلاع ملتے ہی امدادی کارروائیاں شروع کردیں، اب تک 14 افراد کی لاشیں نکالی جاچکی ہیں جب کہ ایک زخمی اسپتال میں دم توڑ گیا۔
ریسکیو حکام کے مطابق 7 افراد کو زخمی حالت میں نکال کر اسپتال منتقل کردیا گیا جہاں انہیں طبی امداد دی جا رہی ہے اور جائے وقوعہ سے ملبہ ہٹایا جا رہا ہے، فیکٹری اور گھروں کے ملبے تلے مزید افراد کے دبے ہونے کا خدشہ ہے۔
کمشنر فیصل آباد کا کہنا ہے کہ ابتدائی تفتیش میں یہ بات سامنے آئی ہےکہ فیکڑی میں دھماکہ گیس پائپ لائن پھٹنے کے نتیجے میں ہوا، ملک پور میں 4 فیکٹریاں ایک ساتھ منسلک ہو کر کام کر رہی تھیں.
زیادہ جانی نقصان فیکٹری سے جڑے گھروں کے رہائشیوں کا ہوا۔کمشنر کے مطابق واقعے کی تحقیقات کے لیے 5 رکن کمیٹی قائم کی جارہی ہے.
Comments are closed.