پریڈ میں ارطغرل غازی کے گانے کی دھن نے سماں باندھ دیا

اسلام آباد(زمینی حقائق ڈاٹ کام)مسلح افواج کی مشترکہ پریڈ میں بہادر مسلمان سپہ سالار ’ارطغرل غازی‘ کو بھی خراجِ عقیدت پیش کیا گیا۔

ترکی کے بینڈ نے پریڈ میں عالمی شہرت یا فتہ ترک سیریز ’ارطغرل غازی‘ کے گانے کی دھن بجا کر انہیں خراج عقیدت پیش کرکے سماں باندھ دیا.

اس موقع پر پریڈ دیکھنے والے بھی ان کی دھنوں کے ساتھ گنگناتے ہوئے دکھائی دئیے یہ وہی دھن ہے جو کہ ارطغرل غازی کے پاکستان میں دکھائے گئے ڈرامہ میں بھی شامل ہے.

https://twitter.com/AyeshaR45739064/status/1374972363893317635?s=09

پریڈ میں ترک فضائیہ کے طیاروں کا دستہ بھی شرک تھا جس نے مختلف اور منفرد فضائی کرتب دکھا کر حاضرین اور گھروں میں بیٹھ کر پریڈ دیکھنے والے ناظرین کو بہت متاثر کیا.

واضح رہے کہ اسلام آباد میں یومِ پاکستان کی مناسبت سے مسلح افواج کی مشترکہ پریڈ کی تقریب شکر پڑیاں گراؤنڈ میں ہوئی جہاں دفاعی اور فوجی طاقت کا بھرپور مظاہرہ کیا گیا۔