عیدپر سیاحتی دوروں کے پروگرام بنانے والوں کیلئے بری خبر

Tourists sit on chairlifts at the Patriata Resort near Murree, some 65 km form Islamabad on August 16, 2020, after the government announced most of the country's remaining restrictions would be lifted following the drop in COVID-19 coronavirus new cases for several weeks. (Photo by Aamir QURESHI / AFP)
0
0 0
Read Time:1 Minute, 14 Second


اسلام آباد( زمینی حقائق ڈاٹ کام )عید پر سیاحتی مقامات بند اور سیر کیلئے ان جگہوں پر جانے پر پابندی ہوگی، کورونا کی بگڑتی صورتحال کے پیش نظر این سی اوسی اجلاس میں اہم فیصلے کئے گئے ۔

نیشنل کمانڈ اینڈ کنٹرول سینٹر اجلاس میں رمضان اور عید کے حوالے سے معاملات زیر غور آئے خاص کر عید کی چھٹیوں میں لوگوں کے سیاحت کیلئے سیاحتی مقامات کی طرف رخ کرنے کا معاملا زیر بحث آیا۔

ذرائع کے مطابق اجلاس میں کہا گیاکہ عید پر اگر سیاحتی مقامات کھلے رہے تو تمام حفاظتی انتظامات بے سود ثابت ہوں گے کیونکہ ایس او پیز کی پابندی کرانا بھی مشکل ہو جائے گا۔

اہم فیصلوں کے بعدوزارت داخلہ نے رمضان اور عید پرکورونا سے بچاؤ کے لئے اقدامات کا نوٹیفکیشن جاری کیاہے جس میں کہا گیاہے کہ اعتکاف،شبقدر،جمعة الوداع اورنمازعید کے لئے ایس او پیز بروقت جاری کئے جائیں۔

وزارت داخلہ نے کہا کہ عید کی چھٹیوں اور آٹھ سے سولہ مئی کے دوران سیاحت پر مکمل پابندی ہوگی، سیاحتی مقامات، ریزارٹس، ہوٹل،پبلک پارکس،ریستوران اور شاپنگ مالز بند رہیں گے۔

سیاحتی مقامات بالخصوص مری،گلیات، سوات،کالام،سمندر اور شمالی علاقوں پر خاص توجہ دی جائے گی، عید کی چھٹیوں میں بین الصوبائی اور انٹر سٹی ٹرانسپورٹ مکمل بند رہے گی۔

وزارت داخلہ کی جانب سے یہ وضاحت بھی کی گئی ہے کہ مقامی افراد کو اپنے آبائی علاقوں کو جانے پر کوئی قدغن نہیں ہے بالخصوص گلگت بلتستان کے لوگوں کو سفر کی اجازت ہوگی۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
0Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »