پاکستانیوں کو قیدوجلاوطن کر نے کی رپورٹس درست نہیں، پاکستانی قونصلیٹ

12
0 0
Read Time:1 Minute, 29 Second

فوٹو :فائل

اسلام آباد(زمینی حقائق ڈاٹ کام)سعودی حکام کی جانب سے مکہ مکرمہ گورنریٹ کے  علاقے سے پاکستانیوں  کو قید اور جلاوطن کر نے کی رپورٹس درست نہیں ہیں.

یہ وضاحت پاکستان قونصلیٹ جدہ  نے سوشل میڈیا کے کچھ حصوں میں جاری مہم کے حوالے سے جاری کی ہے،

اعلامیہ میں کہا گیا ہے کہ قونصلیٹ نے متعلقہ سعودی حکام سے رابطہ کیا ہے۔ قونصلیٹ  کو بتایا گیا ہے کہ سعودی حکام تمام قومیتوں کے  غیرقانونی تارکین وطن کو  گرفتار کرتے اور ملک بدر کرتے ہیں۔ یہ مشق سال بھر میں مختلف شدت کے ساتھ جاری رہتی ہے۔

حالیہ مہم کا آغاز پچھلے ایک ہفتہ سے کیا گیا ہے جس میں بنیادی طور پر بغیر اقامہ، زائد المیعاد اقامہ ، غیر قانونی کارکنان، اور ایسے افراد جو  اقامہ پر لکھے گئے پیشےکی جگہ دیگر شعبوں میں کام کررہے ہیں ۔

یہ کہنا کہ یہ مہم صرف  پاکستانیوں کے لئے مخصوص ہے، بالکل غلط ہے۔ سوشل میڈیا کے ذریعہ اس طرح کی خبروں کی تشہیر نے پاکستانی کمیونٹی میں غیر ضروری اضطراب اور بے یقینی پیدا کردی ہے۔

سوشل میڈیا کے کچھ حصے  اسے گمراہ کن سیاسی زاویہ دے رہے ہیں۔ یہ پاک سعودی برادرانہ تعلقات کے مفاد میں ہے کہ اس طرح کے بے بنیاد اور غیر ذمہ دارانہ بیانات سے ہر قیمت پر گریز کیا جاتا ہے۔

اعلامیہ میں کہا گیا ہے کہ سعودی عرب  میں پاکستانی کمیونٹی سے  درخواست ہے کہ وہ پرسکون رہیں اور اس من گھڑت سوشل میڈیا مہم پر توجہ نہ دیں۔

پاکستان  قونصلیٹ اس معاملے میں سعودی حکام سے مستقل رابطے میں ہے اور پاکستانی کمیونٹی کے مفادات کے تحفظ کے لئے مقامی قواعد و ضوابط کے تحت ہر ممکن اقدامات اٹھایا جا رہا ہے۔

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %
Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »
en_USEnglish