قطر مزاکرات،افغان طالبان اور امریکہ 2 نکات پر متفق

633
0 0
Read Time:1 Minute, 27 Second

دوحہ(نیٹ نیوز)افغان طالبان اورامریکہ کے درمیان مزاکرات میں فریقین کا غیر ملکی افواج کے انخلاء اور انسداد دہشتگردی پر اتفاق ہو گیا ہے۔

قطر میں امریکا اور طالبان کے درمیان افغان امن مذاکرات کا پانچواں دور ختم ہو گیا، میڈیا رپورٹس کے مطابق مذاکرات میں دو نکات پر اتفاق کے بعد فریقین اپنی قیادت سے مشاورت کر یں گے ۔

افغان میڈیا کا کہنا ہے کہ طالبان اپنے اس موقف پر قائم رہے کہ امریکی فوج کے انخلا کی تاریخ کا اعلان کیا جائے، تاہم تاریخ کا اعلان نہیں ہو سکا۔

افغان میڈیا کے مطابق امریکی نمائندہ خصوصی زلمے خلیل زاد کا رَواں ہفتے امریکا واپس جانے کا امکان ہے، زلمے خلیل زاد امریکی صدر اور دیگر حکام سے ملاقات کریں گے۔
اس ملاقات زلمے خلیل زاد وہ مذاکرات کے حوالے سے تفصیلات سے اپنی قیادت کو آگاہ کریں گے۔

دو دن قبل افغان میڈیا نے دعویٰ کیا تھا کہ فریقین میں کچھ معاملات پر اتفاق ہو گیا ہے اور چند معاملات پر ابھی بھی رکاوٹ موجود ہے۔

امریکی خبر رساں ادارے کا کہنا تھا کہ مذاکرات کار کوشش کر رہے ہیں کہ درپیش رکاوٹوں پر قابو پایا جائے، طالبان نمائندے ذبیح اللہ مجاہد کا کہنا تھا کہ مذاکرات میں ان کا صرف اس بات پر اصرار ہے کہ تمام قابض افواج افغانستان سے نکل جائیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
7Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »