خیبرپختونخوا , خواتین پر گھریلو تشدد کی روک تھام کا مجوزہ قانون تیار

35
0 0
Read Time:1 Minute, 47 Second

پشاور(ویب ڈیسک )خیبر پختونخوا میں خواتین پر گھریلو تشدد کی روک تھام کا مجوزہ قانون تیار کر لیا گیا ہے۔

اس حوالے سے ترجمان خیبر پختونخوا حکومت اجمل وزیر نے نجی ٹی وی (جیو نیوز) سے گفتگو کرتے ہوئے بتایا کہ صوبائی حکومت نے خواتین پر گھریلو تشدد روکنے کے لیے قانون تیار کیا ہے۔

خیبر پختونخوا ہ میں مجوزہ قانون کے مطابق بیوی پر تشدد ثابت ہونے پر شوہر کو 30 ہزار روپے جرمانہ اور تین ماہ جیل کی ہوا کھانا پڑے گی

بل کے مطابق بیوی اور اس کے رشتے داروں کو ڈرانے دھمکانے پر بھی شوہر کو سزا ہو سکتی ہے،اس کے علاوہ بل میں یہ بھی تجویز کیا گیا ہے کہ شوہر پر جھوٹا الزام لگانے پر بیوی پر بھی 50 ہزار روپے جرمانہ ہو گا۔

گھریلو ناچاقی کی صورت میں شوہر بیوی بچوں کی پرورش کا بھی ذمہ دار ہو گا۔ترجمان کے پی حکومت کا کہنا ہے کہ حکومت ہر صورت میں گھریلو تشدد روکنا چاہتی ہے اور اس حوالے سے خواتین کو تحفظ فراہم کریں گے ۔

ترجمان کے پی کے حکومت نے مزید بتایا کہ گھریلو تشدد کا مجوزہ بل اسمبلی سے پاس کرایا جائے گا،اس قانون کا مسودہ صوبائی اسمبلی میں موجود خواتین قانون سازوں پر مشتمل وومن پارلیمنٹری کاکس کی ارکین کے مشورے سے تیار کیا گیا ہے۔

یاد رہے کہ صوبہ خیبر پختونخواہ کی صوبائی اسمبلی میں خواتین پر گھریلو تشدد، جنسی ہراسانی یا کم عمری کی شادی کی شکایات درج کروانے کے لیے ’زمہ آواز‘ یعنی ‘میری آواز’ نامی ہیلپ لائن قائم کی جا چکی ہے۔

اس ہیلپ لائن کے ذریعے خواتین کو اپنے یا کسی اور پر ہوتے گھریلو تشدد کی شکایت براہ راست خیبر پختونخواہ کی اسمبلی میں درج کی جاسکتی ہے۔

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %
Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *