ائیرمارشل ظہیر بابر سدھو نئے ائر چیف مقرر

0
0 0
Read Time:1 Minute, 16 Second

اسلام آباد: وزیراعظم عمران خان نے ائیرمارشل ظہیر احمد بابر سدھو کو پاکستان ائر فورس کا نیا سربراہ مقرر کرنے کی منظوری دے دی۔

ترجمان پاک فضائیہ کی طرف سے جاری اعلامیہ کے مطابق ایئر مارشل ظہیر احمد بابر کو نیا ایئرچیف مقررکر دیا گیا ہے جو 19 مارچ کو اپنا عہدہ سنھالیں گے.

نئے ایئرچیف کا تعلق گجرات کے گاؤں سدھ سے ہے۔ انہوں نے برطانیہ کے کامبیٹ کمانڈرز اسکول ، ایئر وار کالج اور رائل کالج آف ڈیفنس اسٹڈیز سے اپنی پڑھائی مکمل کی۔

ایئرمارشل ظہیر احمد بابر اِس وقت بطور ڈپٹی چیف انتظامی امور خدمات انجام دے رہے ہیں۔ انہوں نے 1986 میں بحیثیت فائٹر پائلٹ پاک فضائیہ کی جی ڈی (پائلٹ) برانچ میں شمولیت اختیار کی تھی۔

ایئرمارشل ظہیر احمد بابر فائٹر اسکواڈرن ، آپریشنل ایئر بیس اور علاقائی کمانڈ بھی رہ چکے ہیں۔ اس کے علاوہ وہ ایئر ہیڈ کوارٹرز اسلام آباد میں اسسٹنٹ چیف آف دی ایئر اسٹاف (آپریشن ریسرچ اینڈ ڈویلپمنٹ) ، اسسٹنٹ چیف آف ایئر اسٹاف (ٹریننگ آفیسرز) اور ڈائریکٹر جنرل پروجیکٹس کے طور پر خدمات انجام دیں۔

ایئرمارشل ظہیر احمد بابر وزارت دفاع میں بطور ایڈیشنل سیکرٹری رہ چکے ہیں۔ انہیں خدمات کے اعتراف میں ستارہ امتیاز (ملٹری) اور تمغہ امتیاز (ملٹری) سے نوازا گیا۔

موجودہ ایئرچیف مارشل مجاہد انور کل اپنے عہدے سے سبکدوش ہورہے ہیں جب کہ صدر پاکستان ڈاکٹر عارف علوی نے انہیں ایوان صدر میں ہونے والی تقریب کے دوران ان کی خدمات کے اعتراف میں ’نشان امتیاز‘ ملٹری سے نوازا ہے۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
0Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »