سلام آباد (اے پی پی)صدر پاکستان ڈاکٹر عارف علوی نے یوم پاکستان کے موقع پرصحت، تعلیم اور انسداد دہشت گردی سمیت دیگر شعبوں میں نمایاں خدمات پر پاکستانی شہریوں کے ساتھ ساتھ غیر ملکی شہریوں کو بھی سول اعزازات سے نوازا ہے۔
صدر مملکت نے منگل کو یوم پاکستان کے حوالہ سے خصوصی تقریب میں مختلف شعبوں میں نمایاں خدمات سرانجام دینے والوں کو نشان امتیاز، ستارہ شجاعت، ستارہ امتیاز، صدارت اعزاز حسن کارکردگی، تمغہ پاکستان، ستارہ خدمت، ستارہ قائداعظم اور تمغہ شجاعت سے نوازا ۔
نشان امتیاز حاصل کرنے والوں میں صادقین نقوی، پروفیسر شاکر علی (مرحوم)، ظہور الاخلاق (مرحوم)، عابدہ پروین، ڈاکٹر جمیل جالبی (مرحوم)، احمد فراز (مرحوم) شامل ہیں۔
ہلال امتیازحاصل کرنے والوں میں پروفیسر ڈاکٹر انوار الحسن گیلانیِ، ڈاکٹر آصف محمود جاہ اور سید جاوید انور شامل ہیں۔
ستارہ شجاعت حاصل کرنے والوں میں جواد قمر، صفیہ (شہید)، ملک حیات الله (شہید)، ملک سردار خان (شہید)، ممتاز خان (شہید)، حیات الله خان (شہید)، ملک محمد نیاز خان (شہید)، سپاہی اختر خان (شہید)، محمد نوید صادق، مہر محمد یاسر منظور، شفقت الله ملک، پروفیسر ڈاکٹر مصطفی کمال (شہید)، پروفیسر ڈاکٹر حافظ مقصود احمد (شہید)، ڈاکٹر بشیر احمد (شہید)، ڈاکٹر خالد مسعود قیصرانی (شہید)، ڈاکٹر محمد آصف (شہید)، ڈاکٹر شفقت الله (شہید)، ڈاکٹر یونس چنہ (شہید)، ڈاکٹر ولایت علی گوپانگ (شہید)، پروفیسر ڈاکٹر محمد جاوید (شہید)، ڈاکٹر منیر خان (شہید)، ڈاکٹر اسامہ ریاض (شہید)، ملک اشدر (شہید) اور ڈاکٹر محمد اخلاق خان (شہید) شامل ہیں۔
ستارہ امتیاز حاصل کرنے والوں میں پروفیسر ڈاکٹر فرحان سیف، بشری انصاری، سلطانہ صدیقی، سید فاروق قیصر، پیر سید لخت حسنین، محمد عمران قریشی، بریگیڈیئر رانا عرفان شکیل رامے اور لیفٹیننٹ کرنل فاروق شہباز شامل ہیں۔
صدارتی اعزاز برائے حسن کارکردگی حاصل کرنے والوں میں روتھ وینی لیکرڈال، پروفیسر خالد مسعود گوندل، نعمت الله سرحدی، محمد علی شیخ، صائمہ شاہ، ہمایوں سعید، علی ظفر، حنا نصر الله، سرمد صہبائی، اندومریم مٹھا، فرحان محبوب، مولانا طارق جمیل، عبدالمالک قریشی اور محمد فہیم شامل ہیں۔
ڈاکٹر طارق شفیع مرحوم کو بعد از وفات ستارہ قائداعظم سے نوازا گیا۔ رچرڈ گیری ہوروٹز کو ستارہ خدمت سے نوازا گیا۔ جینی ٹیلر کو تمغہ پاکستان عطا کیا گیا۔
تمغہ شجاعت حاصل کرنے والوں میں فدا حسین، علی آفتاب تارڑ، سیّد شہزاد حسن، ہارون رشید خان، فخر الدین، میاں خان، لیفٹیننٹ کرنل محمد فہیم رضا خان، ملک وسید خان، مولوی گلداد خان، ملک اسلم نور خان، محمد رفیع شہید، داؤد خان شہید، عالم زیب شہید، الله رکھا شہید، شکیلہ ناز شہید، غنچہ ناز شہید، اعتزاز احمد گورائیہ، ساجد خان مہمند شہید، شاہد علی شہید، افتخار وحید شہید، فدا یار شہید اور حسن علی شہید شامل ہیں۔
تمغہ امتیاز حاصل کرنے والوں میں زیبا شہباز، محمد طاہر جاوید، حمید الله شاہ ہاشمی، فیصل ایدھی، سیّد عامر محمود، کیپٹن (ر) محمد الیاس، عمر سعید اور فرید احمد خان شامل ہیں۔تقریب میں بیگم ثمینہ عارف علوی، وفاقی وزراء، وزراء مملکت سمیت ملک کے مختلف شعبوں سے تعلق رکھنے والے افراد نے شرکت کی۔
Comments are closed.