امریکی صدر شمالی کوریا کے سربراہ کم جانگ سے ملاقات پر آمادہ، ملاقات مئی میں متوقع

16
0 0
Read Time:1 Minute, 54 Second

واشنگٹن(مانٹیرنگ )عالمی برادری کیلئے بڑی خبر۔ امریکی صدر ڈونلڈ ٹرمپ نے شمالی کوریا کے سربراہ کم جانگ ان کی ملاقات کی دعوت قبول کرلی ہے
میڈیا رپورٹس کے مطابق شمالی کوریا کے سربراہ کی جانب سے جنوبی کوریا کے وفد کے ذریعے ڈونلڈ ٹرمپ کو ملاقات کا پیغام پہنچایا گیا جسے امریکی صدر نے قبول کرلیا۔

جنوبی کوریا کے سیکیورٹی ایڈوائزر چنگ ایوینگ نے اس حوالے سے امریکی حکام سے ملاقات کے بعد کہا کہ صدر ٹرمپ اور کم جانگ ان کے درمیان رواں سال مئی میں ملاقات کا امکان ہے۔

وائٹ ہاوٴس کے باہر میڈیا سے بات کرتے ہوئے چنگ ایوینگ نے کہا کہ انہوں نے صدر ٹرمپ کو بتایا کہ شمالی کوریا کے رہنما سے حالیہ ملاقات سود مند رہی جس میں انہوں نے وعدہ کیا کہ اب شمالی کوریا مزید کوئی میزائل نہیں بنائے گا۔

چند روز قبل جنوبی کوریا کے ایک وفد نے شمالی کوریا کا دورہ کیا تھا جہاں دونوں ممالک کے درمیان ایک معاہدہ بھی طے پایا تاہم اس کی تفصیلات جاری نہیں کی گئیں۔

امریکی محکمہ خارجہ کی پریس سیکرٹری سارہ سینڈر نے میڈیا کو بریفنگ دیتے ہوئے کہا کہ شمالی کوریا کے سربراہ کم جانگ ان نے صدر ڈونلڈ ٹرمپ سے ملاقات کے لئے دعوت نامہ بھیجا تھا جس پر صدر ٹرمپ نے ملاقات کی حامی بھر لی۔

سارہ سینڈر کا کہنا ہے کہ دونوں رہنماوٴں کے درمیان ملاقات کے لئے وقت اور جگہ کا تعین بعد میں کیا جائے گا جب کہ ہم شمالی کوریا کو جوہری ہتھیاروں سے پاک کر رہے ہیں۔امریکی محکمہ خارجہ کے مطابق اس دوران شمالی کوریا پر پابندیاں اور زیادہ سے زیادہ دباوٴ اسی طرح برقرار رہے گا۔

کشیدگی کے دوران صدر ڈونلڈ ٹرمپ شمالی کوریا کے سربراہ کو ‘راکٹ مین’ کہہ کر مخاطب کرتے رہے ہیں جس کے جواب میں کم جانگ ان امریکی صدر کو پاگل اور سرپھرا قرار دیتے رہے ہیں۔

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
0Shares

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Translate »