کھیل

کوہلی نے صرف ا نوشکا شرما کی گیندوں پر پریکٹس کی ، سنیل گواسکر

By Zameeni Haqaiq

فوٹو: فائل سوشل میڈیا

اسلام آباد(سپورٹس ڈیسک)آئی پی ایل) کے تیرہویں ایڈیشن میں جہاں بال اور بیٹ کے مقابلے جاری ہیں وہاں کمنٹری پر بھی دلچسب صورتحال سامنے آئی ہے جب سنیل گواسکر نے کمنٹر ی کرتے کہاکہ ویرات کوہلی لاک ڈاؤن کے دوران صرف انوشکا کی گیندوں پر پریکٹس کی ہے۔

یہ میچ بنگلورو اور پنجاب کے درمیان تھا اور بنگلورو کے کپتان ویرات کوہلی نے جب ایک لفٹ ہینڈر باولر کی بال کو دفاعی انداز سے کھیلا تو سنیل گواسکر نے یہ فقرا بول دیا اور کوہلی کی اہلیہ انوشکا شرما کا نام لیا۔

سنیل گواسکر نے کمنٹری کے دوران ویرات کوہلی کی پرفارمنس پر تبصرہ کرتے ہوئے مبہم انداز میں کہا کہ انہوں (ویرات کوہلی) نے لاک ڈاؤن کے دوران صرف انوشکا کی گیندوں پر پریکٹس کی ہے۔

جب یہ تبصرہ سوشل میڈیا پر آیا اور لوگوں نے بھی اس پر تبصرے کئے تو بیگم کوہلی یعنی انوشکا شرما بھی خاموش نہ رہ سکیں اورسنیل گواسکر کے الفاظ پر اپنے محتاط ردعمل سے احتجاج کیا اور یہ سب کچھ انسٹا گرام پر لکھا۔

ویرات کوہلی کی فلم اسٹار بیوی انوشکا شرما نے سنیل گواسکر کو مخاطب کرتے ہوئے لکھا کہ مسٹر گواسکر ، آپ کا پیغام کافی پریشان کن ہے، میں آپ کو یہ سمجھانا پسند کروں گی کہ آپ نے ایک بیوی پر اس کے شوہر کی کارکردگی کے حوالے سے الزام لگانے کے بارے میں کیوں سوچا ؟۔

انوشکا نے کہا مجھے یقین ہے کہ گزشتہ کچھ سال میں آپ نے کھیل پر تبصرہ کرتے ہو ئے کرکٹر کی ذاتی زندگی کا احترام کیا ہے، کیا آپ کو نہیں لگتا ہے کہ آپ کو میرے اور ہمارے لیے بھی برابر احترام کرنا چاہیے۔

نوشکا شرما نے سنیل گواسکر سے متعلق خدشہ ظاہر کیا کہ مجھے یقین ہے کہ کل رات میرے شوہر کی کارکردگی پر تبصرہ کرنے کے لیے آپ کے ذہن میں کئی دیگر الفاظ اور جملے ہوسکتے تھے یا پھر آپ کو یہ صحیح لگتا ہے کہ ان سب میں آپ میرے نام کا استعمال کریں۔

بھارتی اداکارہ نے لکھا کہ یہ 2020 ہے اور چیزیں میرے لیے ابھی بھی تبدیل نہیں ہورہیں، کب مجھے کرکٹ میں گھسیٹنا اور مجھ پر اس طرح کا تبصرہ کرنا بند کیا جائے گا؟

یادرہے لاک ڈاؤن کے دوران ویرات کوہلی کے پڑوسی کے جانب سے ایک ویڈیو جاری کی گئی تھی جس میں وہ انوشکا شرما کے ساتھ کرکٹ کھیل رہے تھے۔

Zameeni Haqaiq 17215 posts 0 comments
You might also like More from author

Comments are closed.