رہنما ذاتی اختلافات ختم کریں اور سارا فوکس تحریک پر رکھیں،عمران خا

فوٹو: فائل

راولپنڈی :پاکستان تحریک انصاف کے بانی چیئیرمین عمران خان نے کہا ہے کہ لاہور اجلاس کو لے کر پارٹی میں اختلاف جان بوجھ کر پیدا کیا جارہا ہے، رہنما ذاتی اختلافات ختم کریں اور سارا فوکس تحریک پر رکھیں،عمران خان کی ہدایت۔

اڈیالہ جیل میں سابق وزیراعظم عمران خان سے ملاقات کے بعد علیمہ خان نے دیگر 2 بہنوں کے ہمراہ جیل کے باہر میڈیا سے گفتگو کرتے ہوئے کہا کہ عمران خان نے آج 2 پیغامات دیے ہیں۔

انھوں نے کہا ہے ان کے ساتھ اور بشری بی بی کے ساتھ ظلم ہورہا ہے، میرے ٹی وی اور اخبارات بند کیے ہوئے ہیں، سپرنٹںڈنٹ جیل اور کرنل صاحب نے انسانی حقوق ختم کیے ہوئے ہیں، میرے ساتھ ہوئے سلوک کا حساب ہونا چاہیے، یہ سب فیلڈ مارشل کے کہنے پر کیا جارہا ہے۔

علیمہ خان کے مطابق عمران خان نے کہا کہ لاہور اجلاس کو لے کر پارٹی میں اختلاف جان بوجھ کر پیدا کیا جارہا ہے، ذاتی اختلافات ختم کریں اور سارا فوکس تحریک پر رکھیں، 300 پارلیمینٹیرینز لاہور مل کے جانے پر بانی خوش ہوئے ہیں، جو پارٹی میں اختلاف پیدا کرے گا اسے خود دیکھ لوں گا، ہم جیلوں میں بیٹھے ہیں آپ اختلافات پیدا کررہے ہیں۔

علیمہ خان نے کہا کہ ہم یہاں 2 سال سے جیل آرہے ہیں، ہماری فیملی پارٹی کے فیصلوں کے ساتھ کھڑی ہے، ہماری فیملی چاہتی ہے بانی کے پیغامات پر عمل درآمد ہو، ہمیں اب راستہ بنانا ہے بانی کی رہائی کا، سپرنٹنڈنٹ جیل بانی کے ساتھ غیر انسانی سلوک ختم کریں۔

علیمہ خان نے کہا کہ بانی کا مطلب یہ ہے کہ پارلیمینٹیرینز کو فیصلہ کرنا ہے سیاست میں رہنا ہے کہ نہیں، مذاکرات کس بات پر کرنے ہیں بانی کے کیسز سنیں بات ختم ہوجائے گی