وزیراعظم عمران خان ایران پہنچ گیے، مشہد میں مختصر قیام

تہران (نیٹ نیوز) وزیراعظم عمران خان دو روزہ دورے پر ایران پہنچ گئے،تہران پہنچنے سے قبل وزیراعظم عمران خان نے ایرانی صوبے خراساں کے دارلحکومت مشہد میں مختصر قیام کیا جہاں ان کا استقبال گورنر رضا حسینی نے کیا۔

وزیراعظم عمران خان نے مشہد میں حضرت امام علی رضا کے مزار پر حاضری دی اور ملک و قوم کی ترقی و خوشحالی کے لیے دعا بھی کی۔

اعلامیے میں کہا گیا ہے کہ وزیر اعظم عمران خان ایرانی صدر حسن روحانی کی دعوت پر دورہ کر رہے ہیں جہاں وہ ایران کے سپریم لیڈر آیت اللہ خامنہ ای سے بھی ملاقات کریں گے۔

وزیراعظم عمران خان دورے میں ایرانی اور پاکستانی تاجر برادری سے بھی ملاقات کریں گے۔